ខេត្តបាត់ដំបង ៖ ថ្នាក់ដឹកនាំនៃរដ្ឋបាលខេត្តបាត់ដំបង នៅព្រឹក ថ្ងៃទី ១១ ខែវិច្ឆិកា ឆ្នាំ ២០២១នេះ បានប្រារព្ធពិធី ក្រុង ពលី សូត្រមន្ត បួងសួង នៅមុខ ប្រាសាទភ្នំបាណន់ ខេត្តបាត់ដំបង ដើម្បី សុំ សេចក្តីសុខ សប្បាយ ជូន ទៅដល់ ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ រួម និង បងប្អូន ប្រជាពលរដ្ឋ ផងដែរ។
ឯកឧត្ដម សុខ លូ អភិបាលខេត្ត បាត់ដំបង បានមានប្រសាសន៍ថា ការរៀបចំប្រារពពិធី នេះ ឡើង ក្នុង គោលបំណង ដើម្បី បួងសួង ទៅដល់ ទេវតា និង បារមី ម្ចាស់ ទឹក ម្ចាស់ ដី ម្ចាស់ព្រៃភ្នំទាំងអស់ ជួយ ប្រោះព្រំ និង លើករាសី សុំ សេចក្តីសុខ សប្បាយ ជូនទៅ ដល់ក្រុមការងារ មន្ត្រីរាជការ កងកម្លាំងប្រដាប់អាវុធ និង បងប្អូន ប្រជាពលរដ្ឋ ទូទាំង ខេត្តបាត់ដំបង ទាំងមូល ផងដែរ ។
ក្នុងនាម អោយ រដ្ឋបាល ខេត្តបាត់ដំបង ឯកឧត្តម សុខ លូ ក៏សូម បួងសួង ទៅដល់ ទេវតា និងវត្ថុ ស័ក្តិសិទ្ធិ ក្នុង លោក សូមអោយ តាម បីបាច់ ថែរក្សា ទៅដល់ ពុក ម៉ែ បងប្អូនប្រជាពលរដ្ឋខ្មែរទាំងអស់ ជាពិសេសមន្ត្រីរាជការ កងកម្លាំងប្រដាប់អាវុធ គ្រប់ជាន់ថ្នាក់ទាំងអស់ សូមអោយ ជួបតែ សេចក្ដីសុខ សេចក្ដីចំរើន ជៀសឆ្ងាយពីជំងឺឆ្លងកាចសាហាវផ្សេងៗ និងសូមរកស៊ី ទទួលទាន មានបាន និង ឈ្នះ អស់ សត្រូវ ទាំងឡាយ ទាំងពួង ផងដែរ៕