បន្លែ និងផ្លែឈើ ជាប្រភេទអាហារការពារ ពោលគឺវាជួយការពារដល់ប្រព័ន្ធរាងកាយ ប្រឆាំងនឹងជំងឺផ្សេងៗ។ ជាមួយគ្នានេះ អ្នកឯកទេសផ្នែកអាហារូបត្ថម្ភ លោកស្រីវេជ្ជបណ្ឌិត Lisa Young មកពីសាកលវិទ្យាល័យ New York សហរដ្ឋអាមេរិក បានបង្ហាញពីប្រភេទបន្លែ និងផ្លែឈើមួយចំនួនដែលល្អទាំងសម្រាប់សុខភាព ងាយស្រួលរកទិញ និងមិនធ្វើឱ្យអ្នកញ៉ាំឡើងទម្ងន់ទៀតផងឮ ។ ត្រសក់ ផ្លែត្រសក់សំបូរដោយជាតិទឹក នឹងមានត្រឹមតែ១៦កាល់ឡូរី សម្រាប់ប្រើក្នុងអាហារ១ពេល។ គ្រាប់ និងសំបករបស់វា មានសារធាតុចិញ្ចឹមល្អៗ ដោយរួមមានជាតិសរសៃ
(Fiber) និងវីតាមីន A ប្រភេទ Beta-Caroteneដែលល្អប្រសើរសម្រាប់សុខភាពភ្នែក ប៉េងប៉ោះផ្ទុកសារធាតុ Lycopene ជាសមាសធាតុពណ៌ទឹកក្រូចដែលជួយរាងកាយប្រឆាំងនឹងជំងឺរ៉ាំរ៉ៃ។ ក្រៅពី Lycopene ប៉េងប៉ោះក៏សំបូរដោយវីតាមីន A វីតាមីនC និងB2 ប៉ូតាស្យូម និងកាកសរសៃល្អសម្រាប់សុខភាពរាងកាយ។ កាល់ឡូរីក្នុងប៉េងប៉ោះមានត្រឹមតែ២៥ធាតុកាល់ឡូរីប៉ុណ្ណោះក្នុងអាហារមួយពេល។ ក្រូចថ្លុង ការសិក្សាបានបង្ហាញថា ការបន្ថែមក្នុងក្រូចថ្លុងក្នុងរបបអាហារ អាចជួយសម្រកទម្ងន់បាន។ ក្រូចថ្លុងមានជាតិសរសៃ (Fiber) ខ្ពស់ ជួយឱ្យអ្នកឆាប់ឆ្អែត។
ក្រៅពីនេះវាក៏មានវីតាមីន C ដែលប្រឆាំងនឹងជំងឺមហារីក និងជំងឺបេះដូងផងកាល់ឡូរីក្នុងក្រូចថ្លុងមានប្រមាណ ៥០កាល់ឡូរី ក្នុងក្រូចថ្លុង១ផ្លែតូច ។ ផ្កាខាត់ណាពណ៌ស សំបូរដោយសារធាតុប្រឆាំងអុកស៊ីដកម្ម ព្រមទាំងវីតាមីន C និងវីតាមីនK ដែលប្រឆាំងនឹងជំងឺរ៉ាំរ៉ៃមួយចំនួន។ កាល់ឡូរីក្នុងខាត់ណានៃអាហារមួយពេលនោះគឺមានប្រមាណ ២៥កាល់ឡូរី។
