ខេត្តឧត្តរមានជ័យ÷នៅរសៀលថ្ងៃទី៣០ ខែមេសា ឆ្នាំ២០២១ វេលាម៉ោង ១៤នឹង០០នាទី លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យនិងជាប្រធានគណៈកម្មាធិការស.អ.កខេត្ត បានដឹកនាំក្រុមការងារ អញ្ជើញចុះសំណេះសំណាល សួរសុខទុក្ខ និងនាំយកនូវស្រូវពូជចំនួន ៣២តោន ដែលជាអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ចែកជូនដល់គ្រួសារ អតីតយុទ្ធជន ចំនួន២០៨ គ្រួសារ នៅភូមិ ស្រះទឹកតេជោសែនជ័យ ឃុំ-ស្រុកចុងកាល់ ដោយក្នុង ០១គ្រួសារទទួលបានស្រូវពូជ ១០០គក្រ ដើម្បីយកទៅបង្ករបង្កើនផល ។
ក្នុងឱកាសនោះ លោក ឧត្តមសេនីយ៍ទោ ហួត សុធី ស្នងការខេត្តនឹងជា ប្រធានគណៈកម្មាធិការស.អ.កខេត្តឧត្តរមានជ័យ បានផ្ដាំផ្ញើសួរសុខទុក្ខ និងសេចក្តីនឹករលឹកពី សម្ដេចអគ្គមហាសេនាបតីតេជា ហ៊ុន សែន នាយរដ្ឋមន្ត្រី និងជា ប្រធានសមាគមអតីតយុទ្ធជនកម្ពុជា និងឯកឧត្តម ទេសរដ្ឋមន្ត្រី គន់ គីម អនុប្រធាន និងជាអគ្គលេខាធិការ ស.អ.ក ចំពោះបងប្អូនអតីតយុទ្ធជ១នទាំងអស់ផងដែរ និងណែនាំបងប្អូនយើងត្រូវអនុវត្តតាមការណែនាំរបស់ក្រសួងសុខាភិបាល ដើម្បីការពារខ្លួនពីជំងឺកូវីដ-១៩ ៣កុំ ៣ការពារ និងត្រូវថែទាំសុខភាពឱ្យបានល្អ ។ ដោយ តាំង ហូ
