ក្រសួងសុខាភិបាល បានប្រកាសនៅព្រឹកថ្ងៃទី៣១ ខែធ្នូ ឆ្នាំ២០២០ ថា មានអ្នកឆ្លងជំងឺកូវីដ១៩ ចំនួន ២នាក់ ជាពលករខ្មែរ ឆ្លងដែនមកពីប្រទេសថៃ។
អ្នកឆ្លងជំងឺកូវីដ១៩ ចំនួន ២នាក់ នោះ គឺបុរស អាយុ ៣៦ឆ្នាំ មានអាសយដ្ឋាន ស្នាក់នៅឃុំបឹងរាំង ស្រុកកំរៀង ខេត្តបាត់ដំបង បានធ្វើដំណើរមកពីប្រទេស មកដល់កម្ពុជា នៅថ្ងៃទី២៨ ខែធ្នូ ឆ្នាំ២០២០ និងស្ត្រីអាយុ ៣៣ឆ្នាំ មានអាសយដ្ឋាន ស្នាក់នៅឃុំស្ទឹងកាច់ ស្រុកសាលាក្រៅ ខេត្តប៉ៃលិន បានធ្វើដំណើរមកពីប្រទេសថៃ មកដល់កម្ពុជា កាលពីថ្ងៃទី២៩ ខែធ្នូ ឆ្នាំ២០២០។
អ្នកជំងឺកូវីដ១៩ ទាំង ២នាក់នេះ ត្រូវបានដាក់ឲ្យសម្រាកព្យាបាល នៅមន្ទីរពេទ្យបង្អែក ខេត្តបាត់ដំបង៕