ខេត្តបាត់ដំបង ជនសង្ស័យម្នាក់ត្រូវបានកម្លាំងនៃអធិការដ្ឋាននគរបាលស្រុកមោងឫស្សី ចុះធ្វើការបង្ក្រាបឃាត់ខ្លួន ក្រោយប្រើហិង្សាដោយយកកាំបិតខ្វែវកាប់ទៅលើគូរទំនាស់បណ្តាលឱ្យរងរបួសធ្ងន់។
លោកវរ សេ នីយ៍ ឯក ស គឹមឡុង អធិការនគរបាលស្រុកមោងឬស្សីបានអោយដឹងថា កិច្ចប្រតិបត្តិការខាងលើនេះធ្វើឡើងកាលពីវេលាម៉ោង ១១ និង៤៥នាទីព្រឹក ថ្ងៃទី១៧ ខែមិថុនា ឆ្នាំ២០២១ នៅចំណុចក្រុមទី២ ភូមិអន្លង់តាម៉ុក ឃុំរបស់មង្គល ស្រុកមោងឫស្សី ខេត្តបាត់ ដំ ប ង ។
ជនសង្ស័យត្រូវបានឃាត់ខ្លួនឈ្មោះ ឌិន ថ្លៃ ភេទប្រុស អា យុ ៣០ឆ្នាំរស់នៅភូមិអន្លង់តាម៉ុក ឃុំរបស់មង្គល ស្រុកមោងឫស្សី ខេត្តបាត់ដំបង ពាក់ព័ន្ធករណីហិង្សាដោយចេតនាមានស្ថានទម្ងន់ទោស បន្ទាប់ពីបុរសរូបនេះប្រេីកាំបិតខ្វែវកាប់ទៅលេីឈ្មោះ ឆេម សុ ឃីម ភេទប្រុសអាយុ ៤១ឆ្នាំ រស់នៅភូមិឃុំជាមួយគ្នា ក្នុងពេលមានជម្លោះដោយពាក្យសំដីដាក់គ្នារហូតបណ្តាលអោយរងរបួសដៃ។
ក្រោយពេលឃាត់ខ្លួនសមត្ថកិច្ចជំនាញដកហូតវត្ថុតាងកាំបិតខ្វែវដងឈេីចំនួនមួយបន្ទាប់មកបានរៀបចំសំណុំរឿងបញ្ជូនទាំងជនសង្ស័យ ទាំងវត្ថុតាងមកការិយាល័យជំនាញដេីម្បីអនុវត្តតាមផ្លូវច្បាប់៕