រដ្ឋាភិបាលទីក្រុងសៀងហៃ បាននិយាយថា រាល់ការនាំចូលអាហារស្តុកទុកត្រជាក់ ត្រូវបានចាត់ទុកជាហានិភ័យខ្ពស់បំផុត និងចាំបាច់ត្រូវធ្វើតេស្តរកមេរោគឆ្លង មុនពេលវេចខ្ចប់រក្សាទុក ឬលក់។ នេះបើតាមការចេញផ្សាយដោយសារព័ត៌មាន CNA នាថ្ងៃទី១៦ ខែវិច្ឆិកា ឆ្នាំ២០២០ នេះ។
យ៉ាងណាក៏ដោយ អាជ្ញាធរសៀងហៃ មិនបានបញ្ជាក់ពីអត្ថន័យនៃការនាំចូលដែលមានហានិភ័យខ្ពស់នោះទេ ប៉ុន្តែការហាមឃាត់នេះកើតឡើងនៅពេលដែលទីក្រុងចិនចំនួន២ រកឃើញមេរោគ កូវីដ១៩ លើចំណីអាហារកក។
សូមបញ្ជាក់ថា ប្រទេសចិន ក៏បានធ្វើតេស្តលើអាហារក្លាសេ បន្ទាប់ពីរកឃើញមេរោគម្តងហើយម្តងទៀត នៅលើផលិតផលនាំចូល។
ដោយឡែកងាកទៅកាន់ទីក្រុងកំពង់ផែ Xiamen ភាគខាងត្បូងប្រទេសចិន កាលពីអំឡុងខែតុលា ឆ្នាំ២០២០ អាជ្ញាធរនៃទីក្រុងនោះក៏បានរកឃើញវីរុសកូវីដ១៩ នៅលើសាច់ជ្រូកវេចខ្ចប់មកពីប្រទេសបារាំង៕ ហ្សា
