សម្តេចប៉ាប ហ្វ្រង់ស៊ីស បានថ្លែងនៅក្នុងបទសម្ភាសន៍ជាមួយសារព័ត៌មាន Corriere della Sera កាលពីថ្ងៃទី០៣ ឧសភា ម្សិលមិញថា ៖ សម្តេចបានត្រៀមខ្លួនរួចជាស្រេចក្នុងការធ្វើដំណើរទៅកាន់ទីក្រុងមូស្គូ ដើម្បីជួបជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន ដើម្បីពិភាក្សាលើដំណោះស្រាយនៅប្រទេសអ៊ុយក្រែន។
យោងតាមការចេញផ្សាយដោយសារព័ត៌មាន TASS, សម្តេចប៉ាប ហ្វ្រង់ស៊ីស បានថ្លែងបញ្ជាក់ថា៖ រយៈពេល២០ថ្ងៃបន្ទាប់ពីមានសង្គ្រាមខ្ញុំបានស្នើសុំឱ្យលោក Pietro Parolin បញ្ជូនសារមួយទៅកាន់លោក ពូទីន គឺខ្ញុំត្រៀមខ្លួនរួចជាស្រេចដើម្បីទៅកាន់ទីក្រុងម៉ូស្គូ។
ប៉ុន្តែ សម្តេចប៉ាបបានបញ្ជាក់ថា រហូតមកទល់ពេលនេះ យើងនៅមិនទាន់ទទួលបានការឆ្លើយតបពីទីក្រុងមូស្គូ នៅឡើយទេ ប៉ុន្តែយើងនៅតែបន្តទទូចសុំ បើទោះជាលោក ពូទីន នៅតែមិនអាចជួបនៅក្នុងពេលបច្ចុប្បន្ននេះក៏ដោយ៕