ប្រទេសថៃបានរកឃើញករណីជំងឺ COVID-19 ក្នុងសហគមន៍ជាលើកដំបូងបំផុត ក្នុងរយៈពេល ១០០ថ្ងៃ។ អ្នកជំងឺក្នុងសហគមន៍ថ្មីចុងក្រោយនេះ ជាបុរសវ័យ៣៧ឆ្នាំ ជាអ្នកទោសដែលចាប់បានខ្លួនពាក់ព័ន្ធបទល្មើសគ្រឿងញៀន ត្រូវបានបញ្ជូនឱ្យឃុំខ្លួននៅពន្ធនាគារក្រុងបាងងកកកាលពីថ្ងៃ២៦សីហា ហើយត្រូវបានពិនិត្យឃើញមានវីរុសកូវីដ-១៩កាលពីថ្ងៃពុធ។
នេះបើយោងតាមការចុះផ្សាយរបស់សារព័ត៌មាន CNA ចុះនៅថ្ងៃទី០៣ ខែកញ្ញា ឆ្នាំ២០២០។
អ្នកជំងឺម្នាក់នោះមានប្រវត្តិជា DJ ចាក់ភ្លេង និងរស់នៅជាមួយគ្រួសារមុនពេលដែលគាត់ជាប់ពន្ធនាគារ ហើយគាត់ក៏គ្មានប្រវត្តិចេញក្រៅប្រទេសថៃដែរ និងអ្នកទោសថ្មីៗជាច្រើនត្រូវបានធ្វើចត្តាឡីស័កចំនួន១៤ថ្ងៃ ដូច្នេះលទ្ធភាពចម្លងវីរុសមានកំរិត។ យ៉ាងណាមិញអាជ្ញាធរសុខាភិបាល ក៏នៅតែកំពុងតាមដានរាល់ទំនាក់ទំនងទាំងអស់ ដែលអ្នកទោសរូបនោះធ្លាប់ពាក់ព័ន្ធជាមួយ៕