គិតត្រឹមថ្ងៃទី១៧ ខែមិថុនា ឆ្នាំ២០២០ ការងារបង្កបង្កើនផលស្រូវរដូវវស្សា នៅទូទាំងប្រទេសសម្រេចបាន ១,៣៧៦,៤៥៨ហិកតា ស្មើនឹង៥៣.១៨% នៃផែនការចំនួន ២,៥៨៨,១៣០ហិកតា។ នេះបើតាមការបញ្ជាក់ដោយឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។
ឯកឧត្តមបន្ថែមថា ការងារបង្កបង្កើនផលស្រូវរដូវវស្សានៅទូទាំងប្រទេសមាន ស្រូវស្រាលចំនួន ៤៩១,០៩០ហិកតា, ស្រូវកណ្តាលចំនួន ៥៩៤ ៩២២ ហិកតា ស្រូវធ្ងន់ចំនួន ២៤៧ ៤១៣ ហិកតា, ស្រូវចម្ការចំនួន១១ ៧១៧ ហិកតា ស្រូវឡើងទឹកចំនួន ៣១ ៣១៦ ហិកតា។
សម្រាប់ដំណាំឧស្សាហកម្មវិញ ការបង្កបង្កើនផល សម្រេចបាន ៥៥៤ ១៥១ ហិកតា ស្មើនឹងផែនការ ៨៧៥ ២០០ ហិកតា ក្នុងនេះមាន៖ ពោតក្រហម ៧៨ ៣៣៦ ហិកតា, ដំឡូងមីចំនួន ៤៣៨ ២១៧ ហិកតា សណ្តែកបាយចំនួន ១៣ ៥២៦ ហិកតា សណ្តែកដីចំនួន ៣ ២៩០ ហិកតា, សណ្តែកសៀងចំនួន ១ ២៣១ ហិកតា និងអំពៅចំនួន ៩ ៩៧៧ ហិកតា៕