ខេត្តបាត់ដំបង! មន្ទីរកសិកម្មរុក្ខាប្រមាញ់និងនេសាទ ខេត្តបាត់ដំបង បានបើកកិច្ចប្រជុំណែនាំ តម្រង់ទិស និង ដាក់ចេញនូវវិធានការ ពង្រឹង ការងារចាំបាច់នានាមួយចំនួនដែលទាក់ទងទៅនឹងការបំពេញតួនាទីភារកិច្ចរបស់មន្ត្រី ក៏ដូចជា មន្ត្រី នគរបាល យុត្តិធម៌ ក្នុង ក្របខ័ណ្ឌ ខណ្ឌរដ្ឋបាលព្រៃឈើ នៃមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង ។
កិច្ចប្រជុំនេះដែរប្រារព្ធធ្វើឡើងនៅសាលប្រជុំនៃមន្ទីរកសិកម្ម រុក្ខាប្រមាញ់ និងនេសាទខេត្ត នាថ្ងៃទី១០ ខែវិច្ឆិកា ឆ្នាំ២០២១នេះ ក្រោមអធិបតីភាពលោក ឈឹម វជិរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង ដោយ មាន វត្តមាន ចូលរួម ពីលោក នាយ នាយរង ខណ្ឌ នាយផ្នែក-សង្កាត់ រដ្ឋបាល ព្រៃឈេី ជាច្រើននាក់ផងដែរ។
លោក ឈឹម វជិរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានអោយដឹងថា ជាមួយកិច្ចប្រជុំនាថ្ងៃនេះដែរ លោកបានដាក់ចេញនូវ ការណែនាំ ជាច្រើនចំណុចរួមមាន!
១- គ្រប់ថ្នាក់ដឹកនាំខណ្ឌរដ្ឋបាលព្រៃឈេី ត្រូវ បន្តតាមដានណែនាំ ការអនុវត្តការងាររបស់មន្ត្រីក្រោមឱវាទជៀសវាង ការអនុវត្ត ផ្ទុយ និង ច្បាប់ សារាចរ ណែនាំ លិខិត បទដ្ឋានគតិ យុត្តិ ផ្សេងៗដែលបានដាក់ចេញ ដោយរាជរដ្ឋាភិបាលកម្ពុជា ការប្រព្រឹត្តិមិនប្រក្រតីភាព មានកំហុសឆ្គង លេីវិជ្ជាជីវៈ បើសិនជា មាន មន្ទីរនិងមានចំណាត់ការលើមន្ត្រីទាំងនោះ
២ -ផ្តែផ្តាំអោយមានការណែនាំមន្ត្រីក្រោមឱវាទអោយអនុវត្តការងារប្រកបដោយក្រមសីលធម៌ ឆន្ទៈ មនសិការ វិជា្ជជីវៈ ក្នុង ការ ទទួល ខុស ត្រូវ ចំពោះ មុខ ថ្នាក់ដឹកនាំ -ស្ថាប័ន ជាមន្ត្រីរាជការ ត្រូវមានលិខិតបញ្ជាបេសកកម្ម និងឯកសណ្ឋានមន្ត្រីអោយបានត្រឹមត្រូវ ក្នុង ពេល ដែលចុះអនុវត្តការងារ
៣- សង្កត់ធ្ងន់ៗ នឹង ព្រមាន ចំពោះមន្ត្រីណាដែលឃុបឃិត បិទបាំង មិនបង្ក្រាបបទល្មេីស ឬមិនអេីពេី ធ្វើ មិនដឹងមិនលឺ ក្នុង អំឡុងពេល ខ្លួន មាន តួនាទី ទទួល ខុស ត្រូវ នឹង ដែន សមត្ថកិច្ច ខ្លួនគ្រប់គ្រង ព្រម ទាំង ហ៊ានទទួលប្រាក់ស៊ីសំណូក ពីការប្រព្រឹត្តបទល្មេីសនៅដីព្រៃសាធារណៈរបស់រដ្ឋ ដីព្រៃសហគមន៍ ឬដីព្រៃឈេីបំរុងផ្សេងៗ នឹងត្រូវទទួលរងនូវការដាក់វិន័យ ផ្លាស់ប្ដូរ កន្លែងការងារ បេីធ្ងន់ធ្ងរនឹងប្រឈមការដកចេញពីតំណែងចេញ ផ្អែកតាមសហលក្ខន្តិកៈមន្ត្រីរាជការសុីវិល
៤- បានស្នើសុំចំពោះករណីការកាប់រុករាន ឈូសឆាយ ដុតបំផ្លាញដីព្រៃរបស់រដ្ឋមកធ្វេីជាកម្មសិទ្ធដោយខុសច្បាប់ សូមកុំអោយមានមន្រី្តយើងមានចំណែក ណាមួយ លូកលាន់ចង់បានដី ឫឃុបឃិត ក្នុងរឿងនេះអោយសោះ ពោលគឹកុំលូកដៃទៅជ្រៅដែលធ្វើអោយប៉ះពាល់ដល់កិត្តយស ជីវិតជាមន្ត្រីរាជការ
៥- រាល់ការប្រព្រឹត្តិខុសច្បាប់ត្រូវមានលិខិតព្រមានជាលាយលក្ខអក្សរចំពោះជននោះដោយមិនមានការ ស៊ុមគ្រលំ ឬទទួលសំណូកនានា
៦- ពិនិត្យ មេីលនិង យកចិត្តទុកដាក់ពន្លឿន ក្នុង ការចុះបញ្ជីដីរដ្ឋ ដីព្រៃសាធារណៈរបស់រដ្ឋ ដីព្រៃសហគមន៍អោយបានត្រឹមត្រូវ ស្របច្បាប់ ជម្រុញការបោះបង្គោលព្រំប្រទល់ដីព្រៃ របស់សហគមន៍ ព្រៃឈេី អោយបានឆាប់ ដេីម្បីបញ្ជៀសបាននូវបញ្ហាទំនាស់ដីធ្លី ការរំលោភបំពាន កាន់កាប់ពីសំណាក់ជនខិលខូច ជនអនាធិបតេយ្យលួចឈូសឆាយយកធ្វេីកម្មសិទ្ធដោយមិនស្របច្បាប់
៧- ត្រូវយកចិត្តទុកដាក់ក្នុងការបង្ក្រាប ហាមឃាត់លេីការធ្វេីអាជីវកម្ម កាយយកសាច់ដី ដីថ្មក្រហម ការយករ៉ែ មិនស្របច្បាប់ ពីសំណាក់ជនអនាធិបតេយ្យ ឈ្មួញខិលខូច ក្នុង តំបន់ភ្នំ ដីសហគមន៍ព្រៃឈេី ដីគម្របព្រៃឈេី ។ ល។
៨- ត្រូវបន្តតាមដាន លេីការអនុវត្ត និងរបាយការណ៍នៃការអនុវត្តសកម្មភាព ផែនការ មេ របស់ក្រុមហ៊ុន សម្បទាន ដី សម្បទាន សេដ្ឋកិច្ច ក្នុងដែនសមត្ថកិច្ច គ្រប់គ្រង ដោយមន្ទីរ កសិកម្ម រុក្ខាប្រមាញ់ និងនេសាទ អោយបានត្រឹមត្រូវ
៩- មន្ត្រី រដ្ឋបាល ព្រៃឈេី ទាំងអស់មានកាតព្វតិច្ច តួនាទី ក្នុង ការ ទទួល ខុស ត្រូវ ការពារ ថែរក្សា ធនធានធម្មជាតិ ដី ព្រៃ-ភ្នំ ដែល ជា សម្បត្តិ រដ្ឋក្នុង ដែន សមត្ថកិច្ច និង ក្នុង អំឡុងពេលដែលខ្លួនមានតួនាទី ព្រោះយេីងជាអ្នកអនុវត្តច្បាប់ត្រូវប្រឹងប្រែងអោយអស់សមត្ថភាព ក្នុង ការការពារ
១០- ស្នេីដល់មន្ត្រីពាក់ព័ន្ធទាំងអស់ បន្តកិច្ចសហការជាមួយកងកម្លាំងមានសមត្ថកិច្ច គណៈបញ្ជាការ ឯក ភាព រដ្ឋ បាល ស្រុក -ក្រុងទាំងអស់ អាជ្ញា ធរ ឃុំ អោយបានស្អិតរមួត និង ល្អប្រសើរ ដេីម្បី ចុះបង្ក្រាបបទល្មេីសព្រៃឈេី ក៏ដូចជាការកាប់បំផ្លាញឈូសឆាយដីព្រៃ ពីសំណាក់ជនខិលខូច និងឈ្មួញខុសច្បាប់ ដោយមិនមានការយោគយល់ និងលេីកលែងឡេីយ។