ខេត្តប៉ៃលិន÷ ដោយមានការបញ្ជាផ្ទាល់ពីលោក សេង គឹមឡាក់ ព្រះរាជអាជ្ញាអមសាលាដំបូងខេត្តប៉ៃលិន លោក សេង សុគន្ធ ស្នងការនគរបាលខេត្តប៉ៃលិនកាលពីថ្ងៃទី១៩ ខែមេសា ឆ្នាំ២០២២ បានដឹកនាំកម្លាំងផែនការងារព្រហ្មទណ្ឌ ផែនការងារសន្តិសុខ និងផែនការងារអន្តោប្រវេសន៍ និងកម្លាំងអធិការដ្ឋាននគរបាលស្រុកសាលាក្រៅ កម្លាំងប៉ុស្ដិ៍រដ្ឋបាលស្ទឹងកាច់ សហរការជាមួយកម្លាំងផែនការងារនគរបាលប្រឆាំងបទល្មើសសេដ្ឋកិច្ច និងកម្លាំងកងរាជអាវុធហត្ថ ចុះបង្ក្រាបកន្លែងរកស៊ីខុសច្បាប់(លក់អីវ៉ាន់គេចពន្ធ ,ការស្នាក់នៅខុសច្បាប់របស់ជនបរទេស និងបើកល្បែងអនឡាញទូរបាញ់ត្រីខុសច្បាប់) ចំនួន ០៣ទីតាំងផ្សេងគ្នា។
សមត្ថកិច្ចបានអោយដឹងថា ទីតាំងទី០១ មានការបើកល្បែងអនឡាញខុសច្បាប់ និងការស្នាក់នៅខុសច្បាប់របស់ជនបរទេស នៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ឃាត់ខ្លួនមនុស្សប្រុសស្រី សរុបចំនួន ៨៧នាក់ ក្នុងនោះមានជនជាតិថៃ ៨៥នាក់ ស្រី៣៨នាក់ ភូមិមារ ០១ នាក់ស្រី ឡាវ ០១នាក់ស្រី រួមជាមួយវត្តុតាងមាន÷
-ទូរបាញ់ត្រី ០៦គ្រឿង
-កៅអី ២២
-កុំព្យទ័រ ០១គ្រឿង
-ម៉ាសុីនព្រីន ០១គ្រឿង
-ទូរដែក ០១
-ម៉ាសុីនគិតលេខ ០១
+សម្ភារៈ
-បាល់ ០៣
-ម៉ូនីទ័រ ០២
-LED ០៣
-សុីភីយូ ០១
-អិមភ្លី ០១
-តុ ០៣
-ក្ដាកាត់ក្រដាស ០១
-ឃីបូត ០២
-ម៉ៅ ០១
_បុគ្គលិកចំនួន ១៣នាក់ ស្រី ០៥នាក់។
ទីតាំងទី០២ ម្ចាស់ផ្ទះសំណាក់ របស់ឈ្មោះ ឡុង គីម ទាង មានទីតាំងនៅភូមិផ្សារព្រំជេីង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ឆែកឆេរឃាត់ខ្លួនជនជាតិថៃ ស្នាក់នៅខុសច្បាប់ចំនួន ០៤នាក់ ប្រុស ០១នាក់ ស្រាសង្ស័យគេចពន្ធចំនួន ៩៩៩កេសមាន ៤៥ប្រភេទបារីសង្ស័យគេចពន្ធចំនួន ៥៥ កេះ និងទីតាំងទី០៣ ម៉ាតរបស់ឈ្មោះ ឡុង គីមទាង ឆែកឆេរឃើញ-ស្រា និងបារីសង្ស័យគេចពន្ធ ត្រូវបានកម្លាំងជំនាញដកហូតមកបូកជាមួយទីតាំងទី០២ ។
បច្ចុប្បន្ន៖ មនុស្ស និងសម្ភារៈទាំងអស់ខាងលើត្រូវបានដកហូតនិងបញ្ចូនទៅស្នងការដ្ឋាននគរបាលខេត្តប៉ៃលិនដើម្បីបន្តនីតិវិធីតាមច្បាប់ ចំណែកឯអ្នកស្នាក់នៅដែលខុសច្បាប់ត្រូវឲ្យស្នាក់នៅបណ្តោះអាសន្នរងចាំការបញ្ចូនទៅប្រទេសថៃវិញ រីឯស្រា និងបារី ត្រូវបានបិទទុកនៅទីតាំងទី២ រង់ចាំការដកហូតនៅពេលបន្ត៕
