ខេត្តបាត់ដំបង! កាលពីល្ងាចថ្ងៃទី ២៥.ខែសីហា.ឆ្នាំ២០២១ នៅតាមបណ្តាក្រុង ស្រុក មួយចំនួននៃខេត្តបាត់ដំបង មានភ្លៀងធ្លាក់លាយឡំជាមួយខ្យល់កន្ត្រាក់ និងផ្គររន្ទះ បានកើតឡើងពីរករណីផ្សេងគ្នាបណ្តាលអោយងាប់សត្វគោ ក្របី របស់ពលរដ្ឋអស់ចំនួន០៣ក្បាល។
សមត្ថកិច្ចបានអោយដឹងថា ករណីទីមួយកើតឡើងនៅវេលាម៉ោង ១៦និង១៥នាទី ថ្ងៃទី២៥ ខែសីហា ឆ្នាំ២០២១០១ នៅចំនុចភូមិមុខរាហ៍១ .ឃុំមុខរាហ៍.ស្រុករុក្ខគិរី.ខេត្តបាត់ដំបង បណ្តាលអោយបាញ់ងាប់សត្វគោចំនួន ០១ក្បាល នឹង ក្របី ចំនួន០១ក្បាល ។
ករណីទីពីរ កើតឡើងនៅវេលាម៉ោង ១៥និង០០នាទី ថ្ងៃទី២៥ ខែសីហា ឆ្នាំ២០២១០១ នៅចំនុចភូមិស្វាយវែង ឃុំកំរៀង ស្រុកកំរៀង ខេត្តបាត់ដំបង បណ្តាលអោយបាញ់សម្លាប់សត្វគោ ចំនួន០១ក្បាល ដែលមានម្ចាស់ឈ្មោះ ម៉ូត កែវកុត ភេទប្រុស អាយុ ៧០ឆ្នាំ រស់នៅភូមិស្វាយវែង ឃុំកំរៀង ស្រុកកំរៀង។