ខេត្តបាត់ដំបង! នៅព្រឹកថ្ងៃទី ២៣ ខែ កក្កដា ឆ្នាំ២០២១នេះ រដ្ឋបាលខេត្តបាត់ដំបង ដែលមានឯកឧត្តម ងួន រតនៈ ជាអភិបាលខេត្ត លោក សឿម ប៊ុនរិទ្ធ និងលោក អ៊ុយ សុធាវី អភិបាលរងខេត្ត បានទទួល អំណោយ ជាសម្ភារៈប្រើប្រាស់ការពារនិងសម្លាប់មេរោគ ពីឯកឧត្តម សុខ វាសនា ប្រធានក្រុមការងារអភិវឌ្ឍយុវជនខេត្តបាត់ដំបង និងថ្នាក់ដឹកនាំ សមាជិកសមាជិកានៃក្រុមការងារអភិវឌ្ឍយុវជនខេត្តបាត់ដំបង។
អំណោយ ជាសម្ភារៈប្រើប្រាស់ការពារនិងសម្លាប់មេរោគ ដែលទទួលបាននាពេលនេះមាន -ម៉ាស៊ីនសម្លាប់មេរោគចំនួន ២ គ្រឿង - អាល់កុល ចំនួន ១០០ កាន និងម៉ាស់ចំនួន ១០០ ០០០ សន្លឹក ដែលជាអំណោយរបស់ ឯកឧត្តម សុខ វាសនា ប្រធានក្រុមការងារអភិវឌ្ឍយុវជនខេត្តបាត់ដំបង និងថ្នាក់ដឹកនាំ សមាជិកសមាជិកានៃក្រុមការងារអភិវឌ្ឍយុវជនខេត្តបាត់ដំបង ដើម្បីចូលរួមជាមួយរដ្ឋបាលខេត្តក្នុងការប្រើប្រាស់ប្រយុទ្ធប្រឆាំង នឹង កូវីដ-១៩ ។
ឯកឧត្តម ងួន រតនៈ អភិបាលខេត្តបាត់ដំបង បានមានប្រសាសន៍ថា ៖ ជួសមុខឲ្យថ្នាក់ដឹកនាំខេត្ត មន្ត្រីរាជការ ក៏ដូចជាប្រជាពលរដ្ឋ ក្នុងខេត្តបាត់ដំបង សូមថ្លែងអំណរគុណដល់ឯកឧត្តម ប្រធានក្រុមការងារអភិវឌ្ឍយុវជនខេត្តបាត់ដំបង និងថ្នាក់ដឹកនាំ សមាជិកសមាជិកានៃក្រុមការងារអភិវឌ្ឍយុវជនខេត្តបាត់ដំបង ដែលបានផ្តល់នូវសម្ភារៈ សម្រាប់ប្រើប្រាស់សម្លាប់មេរោគកូវីដ-១៩ ដើម្បីជួយគាំទ្រក្នុងយុទ្ធនាការ ប្រយុទ្ធប្រឆាំងនឹងការរីករាលដាលនៃជម្ងឺកូវីដ-១៩ ដែលនៅចំពោះមុខនេះ សកម្មភាពរីករាលដាល ជម្ងឺកូវីដ-១៩ចូលក្នុងសហគមន៍ មានទ្រង់ទ្រាយធំក្នុងខេត្ត ដែលជាការព្រួយបារម្មណ៍ ។
សម្ភារៈទាំងនេះ រដ្ឋបាលខេត្ត នឹងធ្វើការបែងចែកទៅដល់ស្រុកគោលដៅប្រើប្រាស់តែម្តង ទាំងក្នុងមណ្ឌលចត្តាឡីស័ក មណ្ឌលព្យាបាល ទីតាំងចាក់វ៉ាក់សាំង និងយន្តការនានាដែលបម្រើឲ្យការគ្រប់គ្រងនៃការរីករាលដាលជម្ងឺកូវីដ-១៩ នេះ ។
