ខេត្តបាត់ដំបង! បុរសម្នាក់សង្ស័យមានវិបត្តិក្នុងគ្រួសារ បានគិតខ្លីសម្រេចចិត្តចាក់សាំងដុតបញ្ចប់ជីវិតខ្លួនឯងក្នុងផ្ទះ បង្កការភ្ញាក់ផ្អើលនៅវេលាម៉ោង ០៦និង០០នាទី ថ្ងៃទី៣០ ខែមិថុនា ឆ្នាំ២០២១នៅត្រង់ចំណុចភូមិកំពង់ឡី ឃុំអូរដា ស្រុកកំរៀង ខេត្តបាត់ដំបង។
សមត្ថកិច្ចបានបញ្ជាក់ឲ្យដឹងថា÷ ជនរងគ្រោះដែលធ្វើអត្តឃាតខ្លួនឯងនេះមានឈ្មោះ គី ឈាន មានប្រពន្ធ និងកូន ១នាក់ នៅក្នុងបន្ទុកគ្រួសារ ហើយនៅមុនពេលកើតហេតុមួយថ្ងៃជនរងគ្រោះខាងលើបាននិយាយប្រាប់អ្នកភូមិថា ប្រពន្ធ និងកូនរបស់ខ្លួនគ្រាន់តែអោយដេកសុីសោះក៏យ៉ាប់ដែរចាំមើលយប់នេះគាត់នឹងសម្លាប់ចោលហើយ គ្រាន់តែលឺបែបនេះអ្នកភូមិក៏ទៅប្រាប់ប្រពន្ធរបស់ជនបង្កឲ្យគេចខ្លួនទៅសម្រាកនៅផ្ទះឳពុក ម្តាយបង្កើតសិនក្រែងជួបរឿងមិនល្អ។
អ្វីដែលបានលឺដូចការគិតមែនរហូតដល់វេលាម៉ោងជាង ៦:០០នាទីព្រឹក ថ្ងៃទី ៣០ ខែមិថុនា ឆ្នាំ ២០២១ អ្នកភូមិក្បែរខាងក៏ផ្ទុះការភ្ញាក់ផ្អើលយ៉ាងខ្លាំងព្រោះតែធុំឆួលក្លិនសាំង និងបានឃើញអណ្តាតភ្លើងឆាបឆេះយ៉ាងសន្ធោសន្ធៅផ្តើមចេញពីក្នុងផ្ទះគ្រួសាររបស់ជនរងគ្រោះឡើងមកតែម្តង។
ក្រោយពេលកើតហេតុភ្លើងរលត់អស់ទាំងស្រុងសមត្ថកិច្ចក៏ដូចជាប្រជាពលរដ្ឋបានចុះទៅពិនិត្យមើលក៏បានប្រទះឃើញសាកសពឆេះរោលខ្លោចនៅក្នុងកម្ទេចផេះផ្ទះ បន្ទាប់មកសមត្ថកិច្ចក៏បានធ្វើកំណត់ហេតុប្រគល់សាកសពជនរងគ្រោះឲ្យទៅប្រពន្ធ និងសាច់ញាតិដើម្បីយករៀបចំធ្វើបុណ្យតាមប្រពៃណី៕
