ក្រសួងសុខាភិបាល បានប្រកាសនៅព្រឹកថ្ងៃទី៤ ខែមីនានេះថា មានអ្នកឆ្លងកូវីដ១៩ថ្មី ចំនួន ៣១នាក់។ ក្នុងនោះ ពាក់ព័ន្ធទៅព្រឹត្តិការណ៍សហគមន៍២០កុម្ភៈ មានចំនួន ២៨នាក់ និង ៣នាក់ ជាពលករខ្មែរ មកពីថៃ។
សេចក្តីប្រកាស លើកឡើងថា ក្នុងចំណោមអ្នកឆ្លងសហគមន៍ ចំនួន ២៨នាក់ គឺនៅខេត្តព្រះសីហនុ ១៨នាក់ និងនៅភ្នំពេញ ១០នាក់។
គិតត្រឹមម៉ោង ៧ព្រឹកថ្ងៃទី៤ ខែមីនានេះ នៅទូទាំងប្រទេស មានអ្នកឆ្លងកូវីដ១៩ សរុបប ៩០៩នាក់។ ក្នុងនោះ ជាសះស្បើយ ៤៨៤នាក់ និងកំពុងសម្រាកព្យាបាល ៤២៥នាក់។ ក្នុងនោះ ឆ្លងក្នុងព្រឹត្តិការណ៍សហគមន៍២០កុម្ភៈ មានចំនួន ៤០២នាក់៕