គណៈកម្មាធិការជាតិជំរឿនទូទៅប្រជាជនបានប្រកាសលទ្ធផលផ្លូវការកាលពីម្សិលមិញ ក្រោយពីបញ្ចប់ការធ្វើជំរឿនប្រជាជនទូទៅកាលពីថ្ងៃទី ៣ ខែមីនាឆ្នាំ ២០១៩ ដោយរកឃើញថា ប្រជាជនកម្ពុជាមានការកើនឡើងដល់ ១៥,៥ លាននាក់ ស្នើនឹង ១៦% បើធៀបលទ្ធផលជំរឿនកាលពីឆ្នាំ ២០០៨ មានចំនួន ១៣,៤ លាននាក់។
មន្ត្រីវិទ្យាស្ថានជាតិស្ថិតិនៃក្រសួងផែនការបានកែច្នៃ និងវិភាគទិន្នន័យដោយសហការជាមួយមន្ត្រីបច្ចេកទេស និងអ្នកជំនាញការអន្តរជាតិបានបញ្ចប់ទាន់ពេលវេលា ទោះជាស្ថិតក្នុងបរិការណ៍នៃជំងឺកូវីដ ១៩ ជាសកលក៏ដោយ។
អត្រាកំណើនប្រជាជននៅខ្ពស់ជាងអត្រាមធ្យមនៃប្រជាជាតិអាស៊ីអាគ្នេយ៍។ នៅមានកិច្ចការជាច្រើន ដើម្បីធ្វើក្នុងការបង្កើននូវលក្ខខណ្ឌសុខភាពប្រជាជនឱ្យប្រសើរឡើងនូវសេវាសុខភាពបន្តពូជរបស់ស្ត្រី និងការកាត់បន្ថយនូវមរណភាពកុមារ ទារក និងមាតា៕