ខេត្តសៀមរាប: នៅព្រឹកថ្ងៃអាទិត្យ ៧កើត ខែមិគសិរ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២២ ខែវិច្ឆិកា ឆ្នាំ២០២០ ដោយមានការយកចិត្តទុកដាក់ពី លោក ម៉ឹង ពន្លក ប្រធានសមាគមចលនាយុវជនកម្ពុជា (ក្រុម១៥៧) តំណាងសាខាខេត្តសៀមរាបលោក ហ៊ុន ប៉ូគា និង លោក ញ៉ែម សំណាង បានចាត់តាំងលោក សឹង្ហ សំរឹទ្ធិ អោយដឹកនាំក្រុមការងា រ និងមានការចូលរួមពី លោកស្រី ម៉ាត់ គីមសុឺន អភិបាលរងនៃគណៈអភិបាលស្រុកវ៉ារិន តំណាងលោក ធិននី វិធូរ អភិបាលស្រុក លោកអធិការស្រុក លោកមេបញ្ជារការអាវុធហត្ថស្រុក លោកមេបញ្ជារការសឹករងស្រុក និង លោកប្រធាន ស ស យ ក ស្រុកផងដែរ បាននាំយកអំណោយមនុស្សធម៌ ទៅចែកជូនបងប្អូនប្រជាពលរដ្ឋចំនួន ២០គ្រួសារ និងប្រជាការពារចំនួន ២គ្រួសារ ដែលកំពុងជួបការលំបាកក្នុងកំឡុងស្ថានការណ៍កូវីដ-១៩ ស្ថិតនៅ ឃុំ ប្រាសាទ ស្រុកវ៉ារិន ខេត្តសៀមរាប ។
អំណោយក្នុងមួយគ្រួសាររួមមាន ៖
១-អង្ករចំនួន ២០គីឡូក្រាម
២-មីចំនួន ០១កេស
៣-ទឹកត្រីចំនួន ០១យួរ
៤-ទឹកសុីអុីវចំនួន ០១យួរ
៥-ស្ករសចំនួន ០១គីឡូក្រាម
៦-អំបិលចំនួន ០១គីឡូក្រាម
៧-ប៊ីចេងចំនួន ០.៥០គីឡូក្រាម
៨-សាប៊ូរចំនួន ០១កញ្ចប់
៩-ទឹកបរិសុទ្ធ ០១យួរ
១០- ខ្ទឹមស ០១គីឡូក្រាម
ថវិកាចំនួន ២០,០០០ រៀល ក្នុងនោះក៏មានការឧបត្ថមបន្ថែមពីឯកឧត្តម ពៅ ស៊ា ក្នុងមួយគ្រួសារចំនួន ១០,០០០រៀល ផងដែរ៕
