(ប៉ៃលិន)គណប្រតិភូគណកម្មការទី៧នៃរដ្ឋសភា ដឹកនាំដោយឯកឧត្តម ហ៊ុន ម៉ានី.សហការី រួមនិងអាជ្ញាធរគ្រប់លំដាប់ថ្នាក់នៃខេត្តប៉ៃលិន បានអញ្ជើញចុះសំណេះសំណាលសួរសុខទុក្ខនិងនាំយកនូវគ្រឿងសម្ភារសំណង់ និង គ្រឿងឧបភោគបរិភោគ ជូនដល់កងកម្លាំងទាំង៣ប្រភេទដែល ឈរជើងតាមបន្ទាត់ព្រំដែនក្នុងភូមិសាស្ត្រខេត្តប៉ៃលិន។
ក្នុងឱកាសអញ្ជើញចុះសួរសុខទុក្ខនេះដែរ ឯកឧត្ដម បានពាំនាំ នូវបណ្តាំសាកសួរសុខទុក្ខនឹករលឹកពី សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ដែលជានិច្ចកាលសម្តេចទាំងទ្វេតែងតែគិតគូរអំពីសុខរបស់បងប្អូនកងកម្លាំងក៏ដូចជាប្រជាពលរដ្ឋទូទៅនៅគ្រប់ទីកន្លែង។
ជាមួយគ្នានេះដែរឯកឧត្តមហ៊ុនម៉ានីបានផ្តាំផ្ញើដល់កងកម្លាំងទាំងអស់ត្រូវចេះថែរក្សាសុខភាពពិសេសត្រូវចេះអនាម័យឲ្យបានទៀងទាត់ ដើម្បីការពារជម្ងឺកូវិត១៩ដែលនៅក្នុងពិភពលោកកំពុងប្រយុទ្ធនិងជម្ងឺនេះ៕