ថ្លែងក្នុងជំនួបនៅទីស្តីការក្រសួងអភិវឌ្ឍន៍ជនបទ កាលពីថ្ងៃទី១៥ ខែកក្កដា ម្សិលមិញ រវាងឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រី លោកស្រី Francesca Erdelmann, តំណាងរបស់អង្គការស្បៀងអាហារពិភពលោក (World Food Programme) ប្រចាំកម្ពុជា បានបង្ហាញការកោតសរសើរជូនចំពោះរាជរដ្ឋាភិបាលកម្ពុជា ក្នុងការអភិវឌ្ឍន៏ប្រទេសជាតិ ជាពិសេសតំបន់ជនបទ។
ជាការឆ្លើយតប ឯកឧត្តមរដ្ឋមន្ត្រី បានថ្លែងអំណរគុណដល់អង្គការស្បៀងអាហារពិភពលោក ដែលបានជួយគាំទ្ររាជរដ្ឋាភិបាលកម្ពុជា ជាពិសេសប្រជាជនជនបទលើការស្តារ ស្ថាបនាហេដ្ឋារចនាសម្ព័ន្ធសាធារណៈ និងផលិតភាពសហគមន៍របស់ប្រជាជនជនបទ តាមរយៈអាហារូបត្ថម្ភ និងសាច់ប្រាក់ពលកម្មសម្រាប់ការងារ៕
