ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ការនាំចេញចេកអំបូងលឿងស្រស់ពីកម្ពុជា ទៅទីផ្សារអន្តរជាតិ គិតចាប់ពីដើមឆ្នាំ ២០២០ រហូតមកដល់ពេលនេះ សម្រេចបានជិត ១៥ម៉ឺនតោន កើនឡើងជាង ១៥០ភាគរយ ធៀបនឹងឆ្នាំមុន។
ឯកឧត្តម ថ្លែងថា គុណភាពចេកអំបូងលឿងរបស់កម្ពុជា និងទំនាក់ទំនងល្អផ្នែកពាណិជ្ជកម្មបានធ្វើឲ្យការនាំចេញផលិតផលកសិកម្មពីកម្ពុជាទៅទីផ្សារអន្តរជាតិ កើនឡើងជាលំដាប់ ជាពិសេសក្នុងឆ្នាំ ២០២០ នេះ។
ឯកឧត្តមបន្ថែមថា ការនាំចេញចេកជាផ្លូវការក្នុងរយៈពេលនេះកំពុងមានកំណើនខ្ពស់ខ្លាំងបើធៀបនឹងរយៈពេលដូចគ្នាកាលពីឆ្នាំមុន ដោយការនាំចេញទាំងនេះមានទៅប្រទេសចិន វៀតណាម និងជប៉ុន៕
