«អ្វីដែលក្រសួងកសិកម្ម រុក្ខាប្រមាញ់ និងនេសាទ រួមជាមួយនិងកសិករ ប្រាថ្នាចង់បានលើការដាំដុះដំណាំស្រូវនោះ គឺការអភិវឌ្ឍដូចរូបភាពខាងក្រោម ដែលបានកើតចេញពីការកសាងហេដ្ឋារចនាសម្ព័ន្ធលើការគ្រប់គ្រងទឹកបានល្អ គួបផ្សំនឹងការបញ្ចូលបច្ចេកទេសដាំដុះកសិកម្មប្រព្រឹត្តទៅបានល្អផងដែរនោះ គឺកសិករពិតជាទទួលបានប្រាក់ចំណូលខ្ពស់»។
នេះជាការលើកឡើងរបស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។
តាមរយៈគណនីហ្វេសប៊ុកនៅរសៀលថ្ងៃទី០៨ ខែកក្កដា ម្សិលមិញ ឯកឧត្តម វេង សាខុន បានបន្តថា៖ «ក្នុងនាមក្រសួងកសិកម្ម រុក្ខាប្រមាញ់ និងនេសាទ ខ្ញុំសូមថ្លែងអំណរគុណយ៉ាងជ្រាលជ្រៅបំផុត ចំពោះរដ្ឋាភិបាលអូស្ត្រាលី ដែលបានផ្តល់ហិរញ្ញប្បទានឥតសំណងតាមរយ:គម្រោង "កម្មវិធីខ្សែសង្វាក់តម្លៃកសិកម្មកម្ពុជា-អូស្ត្រាលី ហៅកាត់ថា CAVAC" ដល់ការកសាងហេដ្ឋារចនាសម្ព័ន្ធ តាមសំណូមពររបស់ក្រសួងកន្លងមក»៕
