សារព័ត៌មាន New York Post បានចេញផ្សាយនៅថ្ងៃទី១២ ខែមិថុនា នេះថា ករណីឆ្លងវីរុសកូវីដ១៩ ថ្មី បានវាយប្រហាររដ្ឋមួយចំនួន នៅក្នុងសហរដ្ឋអាមេរិក រួមមាន រដ្ឋ Florida Texas និងរដ្ឋ Arizona បន្ទាប់ពីរដ្ឋទាំងនោះ បានបើកដំណើរការសេដ្ឋកិច្ចឡើងវិញ។
បើតាមតួលេខ គិតត្រឹមថ្ងៃនេះ ក្នុងរដ្ឋ Florida បានរកឃើញអ្នកឆ្លងថ្មីចំនួន ៨,៥៥៣ នាក់។ រដ្ឋ Texas រកឃើញ ២,០៥៦ និងរដ្ឋ Arizona រកឃើញ ១,១៨៧។
សូមបញ្ជាក់ផងដែរថា សហរដ្ឋអាមេរិកនៅតែជាប្រទេសទី១ ដែលមានអត្រាឆ្លង និងស្លាប់ដោយសារ កូវីដ១៩ ខ្ពស់ជាងគេលើពិភពលោក ដោយមានអ្នកឆ្លងសរុប ២,០៨៩,៧០១ នាក់ និងស្លាប់ ១១៦,០៣៤ នាក់៕
កែសម្រួលដោយ៖ ZaRet