ខេត្តបាត់ដំបង! រដ្ឋបាលខេត្តបាត់ដំបងនៅថ្ងៃទី ០៤,ទី០៥ ,០៦ ខែមិថុនា ឆ្នាំ២០២១នេះ បានបង្ហាញបន្តរកឃើញអ្នកជំងឺកូវីដ១៩ ចំនួន ៧៣នាក់បន្ថែមទៀត ដែលក្នុងនោះអ្នកពាក់ព័ន្ធជាមួយព្រឹត្តិការណ៍សហគមន៍ ២០កុម្ភ: ចំនួន ៤៨នាក់ និងជាពលករវិលត្រឡប់មកពីប្រទេសថៃ ចំនួន ២៣នាក់ និងករណីព្យាបាលជាសះស្បើយចំនួន២៩នាក់។
អ្នកជំងឺកូវីដទាំងចំនួន ៧៣នាក់ក្នុងនោះរួមមាន!
/រស់នៅក្នុងស្រុកកំរៀង ចំនួន ៣៥នាក់ / ស្រុកភ្មំព្រឹកចំនួន ០៥នាក់ / ខេត្តប៉ៃលិនចំនួន ០២នាក់ /ស្រុកមោងឬស្សីចំនួន ០៥នាក់ / ស្រុកសំពៅលូន០១នាក់ / ស្រុកសង្កែ ចំនួន ០៩នាក់ / ស្រុកបវេល ចំនួន០៤នាក់ / ស្រុករតនៈមណ្ឌល ចំនួន ០៥នាក់ / ស្រុកឯកភ្នំ ចំនួន០២នាក់ /ខេត្តបន្ទាយមានជ័យចំនួន០៥នាក់ ។
អ្នកជំងឺកូវីដ១៩ខាងលើ ជាអ្នកពាក់ព័ន្ធជាមួយព្រឹត្តិការណ៍សហគមន៍២០កុម្ភ: និងជាពលករវិលត្រឡប់មកពីប្រទេសថៃ ត្រូវបានចាត់បញ្ជូនទៅធ្វើចត្តាឡីស័កកម្រិត១នៅស្រុក និងក្រុងបាត់ដំបង និងបានយកសំណាកទៅវិភាគទទួលបានលទ្ធផលនៅថ្ងៃទី០៤,ទី០៥ ,ទី០៦ ខែមិថុនា ឆ្នាំ២០២១ ឃើញថាមានជំងឺកូវីដ១៩ ហើយបានបញ្ជូនទៅសម្រាកព្យាបាលនៅមន្ទីរពេទ្យបង្អែកស្រុកនានា និងមន្ទីរពេទ្យបង្អែកខេត្ត។
ករណីព្យាបាលជាសះស្បើយ ចំនួន២៩នាក់ ក្នុងនោះរស់នៅ/ក្រុងបាត់ដំបងចំនួន០៣នាក់ /ស្រុកថ្មគោលចំនួន០៣នាក់ /ស្រុកមោងឫស្សីចំនួន០៦នាក់ / ស្រុកសង្កែ ចំនួន០៤នាក់ / ស្រុកកំរៀងចំនួន០១នាក់ / ស្រុកភ្នំព្រឹកចំនួន ០៣នាក់ / ស្រុកឯកភ្នំចំនួន ០២នាក់ /ស្រុកបាណន់ ចំនួន០១នាក់ /ស្រុកសំពៅលូន ចំនួន០១នាក់ /ស្រុកបវេល ចំនួន០៣នាក់ /ស្រុករុក្ខគីរី ចំនួន០១នាក់ /និងខេត្តបន្ទាយមានជ័យ ០១នាក់ ។
គួរបញ្ជាក់ថា! ចាប់ផ្ដើមពីមានការឆ្លងរាលដាលជំងឺកូវីដ១៩ ខេត្តបាត់ដំបងមានអ្នកជំងឺកូវីដ១៩ សរុបចំនួន ៣៩៩នាក់ បានព្យាបាលជាសះស្បើយចំនួន ១៤៥ នាក់ ករណីស្លាប់ចំនួន ០២ នាក់ និងកំពុងសម្រាកព្យាបាលនៅមន្ទីរពេទ្យបង្អែកនានាក្នុងខេត្តបាត់ដំបងចំនួន ២៥២នាក់។