ខេត្តបាត់ដំបង! នៅថ្ងៃទី៣១ ខែឧសភា ឆ្នាំ២០២១នេះ ឯកឧត្តម ងួន រតនះ អភិបាលនៃគណះអភិបាលខេត្តបាត់ដំបង បានដឹកនាំមន្ត្រីក្រោមឱវាទ រួមជាមួយនឹងមន្ទីរពាក់ព័ន្ធមួយចំនួនចុះសាកសួរសុខទុក្ខ និងនាំយកអំណោយដ៏ថ្លៃថ្លារបស់ សម្តេចក្រឡាហោម ស ខេង និងលោកជំទាវ ចែកជូនដល់បងប្អូនប្រជាពលរដ្ឋ ចំនួន ១៥០គ្រួសារនៅស្រុកសង្កែ ដែលមានជីវភាពខ្វះខាត និងទទួលរងការប៉ះពាល់ដោយជម្ងឺកូវីដ-១៩។
ក្នុងឱកាសនោះដែរ ឯកឧត្តម ងួន រតនៈ អភិបាលខេត្តបាត់ដំបង បានក្រើនរំលឹកទៅដល់បងប្អូនប្រជាពលរដ្ឋទាំងអស់មិនត្រូវភ្លេចខ្លួន ហើយត្រូវថែទាំសុខភាពឱ្យបានល្អ និងអនុវត្តតាមវិធានការនានារបស់ក្រសួងសុខាភិបាលដោយអនុវត្តវិធីកាត់បន្ថយហានិភ័យពីការឆ្លងជំងឺកូវីដ១៩ (Covid-19) ដូចខាងក្រោម ៖ ៣ការពារ (១.ពាក់ម៉ាស ២.លាងសម្អាតដៃឲ្យបានញឹកញាប់ ៣.គម្លាតសុវត្ថិភាពសង្គម និងគម្លាតសុវត្ថិភាពបុគ្គល ចាប់ពី១ម៉ែត្រកន្លះឡើងទៅ ) ៣កុំ (១.កុំទៅកន្លែងបិទជិតគ្មានខ្យល់ចេញចូល កុំប្រើម៉ាស៊ីនត្រជាក់ច្រើនពេក ២.កុំទៅកន្លែងមានមនុស្សច្រើនកុះករ ៣.កុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នាជាដើម )។
គួរបញ្ជាក់ថា ! ពលរដ្ឋទាំង១៥០គ្រួសារដែលទទួលបានអំណោយនាពេលនេះ ពួកគាត់មកពី៣ឃុំ ដែលក្នុងនោះមានឃុំអូរដំបង២ចំនួន៥០គ្រួសារ ឃុំវត្តតាមិមចំនួន៥០គ្រួសារ និង ឃុំអូរដំបង១ចំនួន៥០គ្រួសារដោយក្នុងមួយគ្រួសារៗទទួលបានអង្ករ២០kg ,មី០១កេះ ,ទឹកត្រីទឹកសុីអុីវ០១យួរ ,ទឹកសុទ្ធ០១កេះ ,សៀង០៣ដប និងប្រគេនជូនព្រះសង្ឃ២វត្ត ក្នុងមួយវត្តមាន,អង្ករ០៥ការ៉ុង ,មី៥កេះ ,ទឹកត្រីទឹកសុីអុីវ៥យួរ ,ទឹកបរិសុទ្ធ៥កេះ ,សៀង១២ដប៕
