ខេត្តបាត់ដំបង! រដ្ឋបាលខេត្តបាត់ដំបងបានសម្រេចបិទខ្ទប់ជាបណ្តោះអាសន្នទីតាំងផ្ទះចំនួន០៦ខ្នង ស្ថិតក្នុងភូមិសំរោងស្នោ ឃុំសំរោងក្នុង ស្រុកឯកភ្នំ ខេត្តបាត់ដំបង ចាប់ពីថ្ងៃទី២៤ ខែឧសភា ឆ្នាំ២០២១នេះ រហូតមានការសម្រេចជាថ្មី។
ការបិទខ្ទប់ជាបណ្តោះអាសន្នក្នុងរង្វង់ផ្ទះ ០៦ខ្នងខាងលើក្នុងគោលបំណងដើម្បីទប់ស្កាត់ការរាលដាលនៃជំងឺកូវីដ-១៩ ក្រោយពីបានរកឃើញប្រជាពលរដ្ឋចំនួន០៦នាក់មានជំងឺកូវីដ-១៩ នៅថ្ងៃទៅ ២៤ ខែឧសភា ឆ្នាំ ២០២១ និងបានពាក់ព័ន្ធទីតាំងផ្ទះចំនួន០៦ខ្នង នៅក្នុងភូមិ ឃុំខាងលើ ហើយអត្តសញ្ញាណរបស់ប្រជាពលរដ្ឋទាំង០៦នាក់រួមមាន!
១/ឈ្មោះ ស៊ិន សាវឿន ភេទស្រី អាយុ ៧០ឆ្នាំ មុខរបរមេផ្ទះ
២/ឈ្មោះ ប៉ន សុខា ភេទប្រុស អាយុ៤២ឆ្នាំ មុខរបរលក់ម្ហូបអាហារ
៣/ ឈ្មោះ សុខា មេត្តា ភេទស្រី អាយុ ១២ឆ្នាំ មុខរបរក្នុងបន្ទុក
៤/ឈ្មោះ សុខា ភក្តី ភេទស្រី អាយុ ៧ឆ្នាំ មុខរបរក្នុងបន្ទុក
៥/ឈ្មោះ ធី ចាន់ធឿន ភេទស្រី អាយុ ១៦ឆ្នាំ មុខរបរក្នុងបន្ទុក
៦/ឈ្មោះ សុខា ប្រណៃ ភេទប្រុស អាយុ ៩ឆ្នាំ មុខរបរក្នុងបន្ទុក ទាំង០៦នាក់មានអាសយដ្ឋាន ភូមិសំរោងស្នោ ឃុំសំរោងក្នុង ស្រុកឯកភ្នំ ខេត្តបាត់ដំបង។
ក្នុងអំឡុងពេលបិទខ្ទប់ជាបណ្តោះអាសន្ននេះ រដ្ឋបាលស្រុកឯកភ្នំត្រូវហ៊ុព័ទ្ធទីតាំងរង្វង់ផ្ទះចំនួន ៦ខ្នងនេះ -ផ្អាកការចេញចូលទីតាំងទាំងនេះ -ស្រាវជ្រាវរកអ្នកពាក់ព័ន្ធផ្ទាល់ ឬប្រយោលដើម្បីធ្វើចត្តាឡីស័ក និងយកសំណាក -ចំពោះប្រជាពលរដ្ឋដែលមានការពាក់ព័ន្ធផ្ទាល់ឬប្រយោលជាមួយអ្នកជំងឺឬទីតាំងខាងលើសូមអញ្ជើញមកជួប ឬជូនដំណឹងដល់ក្រុមការងារមន្ត្រីសុខាភិបាល មន្ទីរសុខាភិបាលនៃរដ្ឋបាលខេត្ត ដើម្បីយកសំណាកទៅធ្វើតេស្តជាបន្ទាន់ចាប់ពីថ្ងៃទី២៣ ខែឧសភា ឆ្នាំ២០២១នេះតទៅ។
ត្រូវអនុវត្តផាកពិន័យអន្តរការណ៍ចំពោះបុគ្គលណាដែលមិនគោរពដោយចេតនានូវវិធានការរដ្ឋបាល និងវិធានការសុខាភិបាល ដែលរាជរដ្ឋាភិបាល និងរដ្ឋបាលខេត្តបាត់ដំបង បានដាក់ចេញក្នុងការទប់ស្កាត់ការឆ្លងរាលដាលនៃជំងឺកូវីដ១៩ ដោយមិនគិតដល់បទល្មើសព្រហ្មទណ្ឌដទៃទៀតឡើយ៕