បន្ទាប់ពីទទួលបានសេចក្តីជូនដំណឹងរបស់រដ្ឋបាលខេត្តសៀមរាប និងដោយមានការឯកភាពពីលោកនួន ពុទ្ធារ៉ា ប្រធានគណៈបញ្ជាការឯកភាពនៃរដ្ឋបាលក្រុងសៀមរាប នាយប់ថ្ងៃទី១១ ខែមេសា ឆ្នាំ២០២១ លោកហ៊ា ហាវ ចៅសង្កាត់ស្វាយដង្គំ បានដឹកនាំក្រុមការងារនាំលិខិតរបស់រដ្ឋបាលខេត្តសៀមរាប ទៅជម្រាបជូនដល់ម្ចាស់ទីតាំង នឹងបើកទីតាំងហាងលក់គោដុត ហាងកាហ្វេលឹង្គ១០០០ និងផ្សារគោកធ្លក អោយចេញចូលជាធម្មតាវិញ បន្ទាប់ពីបានបញ្ចប់ការធ្វើចត្តាឡីស័ក ស្របតាមការណែនាំរបស់ក្រសួងសុខាភិបាល។
សូមជម្រាបជូនថា ទីតាំងខាងលើនេះត្រូវបានបិទ ដោយសារពាក់ព័ន្ធជាមួយអ្នកវិជ្ជមានកូវីដ១៩ឈ្មោះហ៊ឹម វណ្ណះ កាលពីថ្ងៃទៅ២៤ ខែមីនាឆ្នាំ២០២១កន្លងទៅ ។
ជាមួយគ្នានេះលោកចៅសង្កាត់ក៏បានថ្លែងអំណរគុណដល់បងប្អូនប្រជាពលរដ្ឋដែលជាម្ចាស់ទីតាំង និងអ្នកអនុវត្តការធ្វើចត្តឡីសក័ទាំងអស់ ដែលបានចូលរួមសហការអនុវត្តតាមការណែនាំរបស់ក្រសួងនិងរដ្ឋបាលខេត្តសៀមរាប ដែលជាចំណែកចូលរួមទប់ស្កាត់មេរោគកូវិដ១៩កុំអោយឆ្លងចូលសហគមន៍យើង និងដើម្បីរក្សាសុវត្ថិភាពយើងទាំងអស់គ្នាផងដែរ៕
ដោយ តាំង ហូ