ខេត្តបាត់ដំបង៖ លោកស្រី លុច យ៉ាន ជាកសិករដាំបន្លែក្នុងផ្ទះសំណាញ់មួយក្នុងចំណោមកសិករជាច្រើននាក់ផ្សេងទៀតដែលទទួលបានការគាំទ្រពីកម្មវិធី ASPIRE ស្ថិតនៅភូមិសំរោងស្នោ ឃុំសំរោងក្នុង ស្រុកឯកភ្នំ ខេត្តបាត់ដំបង។
នៅពេលក្រុមការងារកម្មវិធីASPIRE ប្រចាំខេត្តបាត់ដំបងបានចុះជួបកសិករដើម្បីផ្តល់ការណែនាំនិងបណ្តុះបណ្តាលបន្ថែមពីបច្ចេកទេសកសិកម្ម លោកស្រី លុច យ៉ាន បានប្រាប់ឲ្យដឹងថាថ្មីៗនេះលោកស្រីទើបតែប្រមូលផលបន្លែខាត់ណាដើមពីក្នុងផ្ទះសំណាញ់បានចំនួន ៥០០គ.ក្រទៅ៨០០គ.ក្រ ហើយអាចលក់ថ្លៃបានពី២៥០០៛ ទៅ ៤០០០៛ ក្នុង១គ.ក្រ យោងតាមតម្លៃប្រែប្រួលក្នុងទីផ្សារ។
ក្រុមការនៃកម្មវិធី ASPIRE ដែលមានការចូលរួមពីសំណាក់ប្រធានការិយាល័យកសិកម្ម ធនធានធម្មជាតិ និងបរិស្ថាន និងភ្នាក់ងារផ្សព្វផ្សាយឃុំ បានណែនាំទៅដល់កសិករនូវគោលការណ៍/បច្ចេកទេសដាំបន្លែសុវត្ថិភាពមានដូចខាងក្រោម៖
១.គ្រោះថ្នាក់និង ប្រភពនៃភាពកខ្វក់
•គ្រោះថ្នាក់ដោយសារគីមី
•គ្រោះថ្នាក់ដោយសារជីវសាស្ត្រ
•គ្រោះថ្នាក់ដោយសាររូបសាស្ត្រ
២.តម្រូវការការអនុវត្តន៍កសិកម្មល្អ ដើម្បីគ្រប់គ្រងសុវត្ថិភាពចំណីអាហារ
•ប្រវត្តិ និងការគ្រប់គ្រង់ទីកន្លែង
•បំណែកពូជដំណាំ
•ជី និងសារធាតុបន្ថែមដាក់ក្នុងដី
•ទឹក
•សារធាតុគីមី
•ការប្រមូលផល និងការលើកដាក់កសិផល
•ការរកឲ្យឃើញ និងការប្រមូលយកមកវិញ
•ការបណ្តុះបណ្តាល
•ឯកសារ និងកត់ត្រា
•ការពិនិត្យមើលការអនុវត្តន៍កសិកម្មល្អ
៣.បញ្ចីផ្ទៀងផ្ទាត់សម្រាប់វាយតម្លៃដោយខ្លួនឯង
៤.ឧទារហណ៍នៃឯកសារ និងកំណត់ត្រា