ក្រសួងសុខាភិបាល បានប្រកាសថា បុរសជនជាតិចិនម្នាក់ បានស្លាប់ នៅក្នុងមណ្ឌលចត្តាឡីស័កព្រែកព្នៅ ក្នុងរាជធានីភ្នំពេញ កាលពីព្រឹកថ្ងៃទី៤ ខែមីនានេះ។ បុរសរូបនេះ ត្រូវបានរកឃើញកើតកូវីដ១៩ កាលពីថ្ងៃទី១មីនា ដោយមិនមានចេញរោគសញ្ញាអ្វីទេ។
ក្រសួងសុខាភិបាល បន្តថា ក្រោយពីក្រុមការងារកោសល្យវិច្ច័យ បានពិនិត្យសាកសព នៅថ្ងៃទី៤ ខែមីនា ឆ្នាំ២០២១ ឃើញថា បុរសចិននេះ មានសារធាតុអំហ្វេតាមីនខ្ពស់ តាមរយៈការពិនិត្យទឹកនោម។ ដូច្នេះបុគ្គលនេះ បានប្រើប្រាស់សារធាតុញៀន ប្រភេទអំហ្វេតាមីន ក្នុងរយៈពេលយូរមកហើយ។
ក្រសួងសុខាភិបាល បានសន្និដ្ឋានថា អ្នកជំងឺទទួលមរណភាពភ្លាមៗ ដោយសភាពរើមេថ្នាំញៀនធ្ងន់ធ្ងរ បណ្តាលឲ្យគាំងបេះដូង ស្លាប់ភ្លាមៗតែម្តង៕
