(ប៉ៃលិន)៖កងកម្លាំងឈរជើងនៅតាមបន្ទាត់ព្រំដែននៃខេត្តប៉ៃលិនបានត្រៀមកម្លាំងយាមកាមយ៉ាងយកចិត្តទុកដាក់ចាំទទួលនិងប្រមូលពលករខ្មែរយើងដែលធ្វើដំណើរមកពីប្រទេសថៃដើម្បីឲ្យពួកគាត់ធ្វើចត្តាឡីស័កនៅមណ្ឌលចត្តាឡីស័កដែលខាងអាជ្ញាធរខេត្តរៀបចំយ៉ាងមានរបៀបរៀបរយ មានអនាម័យល្អមានអាហាហូបចុកគ្រប់គ្រាន់មិនឲ្យទាស់ចិត្តឡើយ។
ថ្លែងនៅល្ងាចថ្ងៃទី១៦ខែកុម្ភ: នាឱកាសចជួបសំណេះសំណាលជាមួយកងកម្លាំងនៅបន្ទាត់ព្រំដែន ក្នុងនាមប្រធានគណៈបញ្ជាការឯកភាពខេត្ត លោកជំទាវ បាន ស្រីមុំ បានកោតសរសើរ និងថ្លែងអំណរគុណយ៉ាងជ្រាលជ្រៅ ចំពោះកងកម្លាំងទាំង៣ ដែលកំពុងឈរជើងបំពេញបេសកកម្មយ៉ាងយកចិត្តទុកដាក់តាមបទបញ្ជាដ៏ម៉ឺងម៉ាត់ របស់សម្តេចតេជោ ហ៊ុន សែន ក្នុងការរាំងខ្ទប់ការរីករាលដាល វីរុសកូវីដ១៩ចូលក្នុងសហគមន៍ ដោយមិនគិតពីការនឿយហត់លំបាកអ្វីឡើយ។
ជាមួយគ្នាលោកជំទាវអភិបាលខេត្តក៍បានឧបត្ថម្ភស្បៀងអាហារវត្ថុប្រើប្រាស់ចាំបាត់និងថវិការមួយចំនួនជូនដល់កងកម្លាំងឈរជើងនៅតាមបន្ទាត់ព្រំដែនជាការលើកទឹកចិត្តនិងបង្កើនការងារឲ្យមានប្រសិទ្ធភាពខ្ពស់៕