(ប៉ៃលិន) ពលរដ្ឋម្នាក់កំពុងកាក់កប និងរបរចិញ្ចឹមបង្កងពូជ និងមានម៉ូយកុម្ម៉ង់ជាហូរហែរដែលជួយឲ្យជីវភាពគ្រួសារគាត់កាន់តែប្រសើរឡើង។
លោកគឹមសៀ អាយុ៥១ឆ្នាំរស់នៅភូមិក្បាលព្រលានសង្កាត់អូរតាវ៉ៅ ក្រុងប៉ៃលិន បានរៀបរាប់ ឲ្យដឹង កាលពីថ្ងៃទី២០ខែមករាឆ្នាំ២០២១នេះថា ដំបូងគាត់មានចំណាប់អារម្មណ៏ទៅលើការចិញ្ចឹមបង្កងលោកក៍បានទៅរៀនបទពិសោធន៍ពីគេនៅខេត្តបាត់ដំបងដែលគេជោគជ័យទៅលើការចិញ្ចឹមបង្កងនេះរួចក៍សុំចែកកូនបង្កងមួយចំនួនមកចិញ្ចឹម។
លោកបន្តថាលុះយកមកចិញ្ចឹមដំបូងគាត់ធ្វើការតែមួយឬពីរអាងទេតែដល់ចិញ្ចឹមយូរៗទៅៗពងកូនកាន់តែច្រើនក៍ពង្រីកអាងច្រើនទៅៗហើយក៍មានអ្នកកមកុម្ម៉ង់ទិញយកទៅចិញ្ចឹមជាច្រើនកូនធ្វើឲ្យគាត់បង្កាត់លក់សឹងតែមិនទាន់។
ជាមួយគ្នានិងការជោគជ័យនេះលោកបានប្រាប់ពីគន្លឹះថាមុននិងយើងចង់ចិញ្ចឹមសត្វអ្វីមួយយើងត្រូវតែទៅរៀនបទពិសោធន៍ពីសាលាឬពីកសិដ្ឋានដែលគេមានបទពិសោធន៍និងធ្លាប់ជោគជ័យនិងរបបនេះទើបយើងមិនបរាជ័យ។
ហើយការចិញ្ចឹមបង្កងនេះដំបូងចំណាយដើមទុនច្រើនគួរសមដែរព្រោះយើងសាងសង់រោងធ្វើអាងជាច្រើនកន្លែងតែការចិញ្ចឹមងាយស្រួលណាស់ពេលថ្ងៃយើងមិនទៅប៉ះពាល់កន្លែងវាទេព្រោះវាដេកថ្ងៃតែពេលយប់ចាប់ពីម៉ោង៦ល្ងាចទៅទើបវាចេញរកស៊ីចំណែកចំណីវាគឺទិញពីគេសុទ្ធតែម្តងដោយសារគាត់រវល់។
លោកបន្តឲ្យដឹងទៀតថាចាប់ពីវាញាស់រហូតដល់ទៅ៦ខែអាចហូបបានតែបើចិញ្ចឹមក្នុងស្រះមានទីធ្លាធំវាឆាប់ធំជាងការចិញ្ចឹមនៅក្នុងអាង។ ចំណែកការចិញ្ចឹមដូចជាមិនមានហានិភ័យអ្វីទេលើកលែងតែវាសកស្រការយូរៗឃើញវាខាំគ្នាម្តងហើយចំណែកតម្លៃវិញគឺគាត់លក់ក្នុងមួយគីឡូ៣០ដូល្លារីឯមេពងមួយគូរ៥ដុល្លា៕
