ក្រុងព្រះសីហនុៈ លោក សន កុសល អភិបាលរងក្រុងព្រះសីហនុ នារសៀលថ្ងៃច័ន្ទ ២រោច ខែកត្កិក ឆ្នាំជូតទោស័ក្កិ ព.ស ២៥៦៤ ត្រូវហ្នឹងថ្ងៃទី២ ខែវិច្ឆិកា ឆ្នាំ២០២០ បានដឹកនាំក្រុមកាងារដ្ឋបាលក្រុងចម្រុះ មន្ត្រី បរិស្ថាន មន្ត្រី ក្រសួងសាធារណ:ការណ៍ មេភូមិ ក្រុមប្រឹក្សារសង្កាត់ រួមមានកងរាជអាវុធហត្ថក្រុង ប្រជាកាពារ បានចុះត្រួតពិនិត្យទឹកកង្វក់មួយកន្លែង( ផ្លូវចូលទៅរោងចក្រយូស៊ិន) ដែលស្ថិតនៅក្រុមទី ៦និង៨ ភូមិ១សង្កាត់លេខ១ក្រុង / ខេត្តព្រះសីហនុ។
ថ្លែងបញ្ជាក់ប្រាប់បណ្តាញសារព័ត៏មានក្នុងឪកាសនោះផងដែរ លោក សន កុសល អភិបាលរងក្រុងព្រះសីហនុ បានអោយដឹងថា ដោយបានការអនុញ្ញាត្តិ ពីលោក អ៊ី សុខឡេង អភិបាលក្រុងព្រះសីហនុលោក បានដឹកនាំក្រុមការងារចំរុះចុះពិនិត្យអំពីស្ថានភាពជាក់ស្តែងអំពីផលប៉ះពាល់ ដែលបណ្តាលមកពីការបង្ហូរទឹកកង្វក់របស់ក្រុមហ៊ុន លាយបេតុង ដែលនៅតាមបណ្តោយផ្លូវបេតុង ចំនួន២ខ្សែរ ចូលទៅតំបន់រោងចក្រ ញូស៊ិន ស្ថិតក្នុងភូមិ១សង្កាត់លេខ១ក្រុង/ខេត្តព្រះសីហនុ ដែលបានធ្វើអោយប៉ះពាល់យ៉ាងធ្ងន់ធ្ងរដល់បរិស្ថាន សោភ័ណ្ឌភាពទីក្រុង និង សុខមាលភាព បងប្អូនប្រជាពលរដ្ឋ ដែលបានធ្វើតំណើរតាមកំណាត់ផ្លូវបេរតុងនេះ។
លោក អភិបាលរងក្រុងក៏បានបញ្ជាក់ទៀតថា ក្រោយពីពិនិត្យរួចហើយលោក បានអោយមន្ត្រីពាក់ព័ន្ឋដែលបានចូលរួមធ្វើកំណត់ជាក់លាក់មួយ ដើម្បីកំណត់អោយក្រុមហ៊ុនដែលមានការពាក់ព័ន្ឋ ត្រូវតែទទួលខុសត្រូវ ចំពោះអ្វីដែលក្រុមហ៊ុន បានធ្វើ ដោយតម្រូវអោយក្រុមហ៊ុនបញ្ឈប់កាបង្ហូរទឹកកាកសំណល់លាយបេតុងមកលើផ្លូវសាធារណះ ត្រូវរៀបចំ អាងប្រព្រតិ្តកម្ម( អាងចំរោះ)និង ប្រព័ន្ឋលូបង្ហូរទឹកកាកសំណល់អោយបានល្អ មិនប៉ះពាល់ដល់ការរស់នៅរបស់បងប្អូនប្រជាពលរដ្ឋ ប្រសិនបើក្រុមហ៊ុន ណាមិនអនុវត្តន៏តាមរដ្ឋបាលក្រុងនឹងអនុវត្តន៏និតិវិធីទៅតាមផ្លូវច្បាប់ជាកំហិត។