ខេត្តសៀមរាប៖ លើផ្ទៃដីជាង១ហិកតា គ្រួសាររបស់អ្នកស្រី គឹម អន ដែលទទួលបានការគាំទ្រពីកម្មវិធីអាស្ប៉ាយបានដាំដុះបន្លែត្រសក់ និងសណ្តែកកួរដោយប្រើប្រាស់បច្ចេកទេសទំនើបមានទាំងរៀបចំប្រព័ន្ធដំណក់ទឹកនិងរងគ្របដោយគំរបផ្លាស់ស្ទីកជាដើម។
ក្នុងរយៈពេល១ខែកន្លះ គាត់អាចប្រមូលផលពីដំណាំរបស់គាត់បានពី៣ទៅ៥តោនហើយសម្រាប់តម្លៃត្រសក់គាត់អាចលក់បាន៧០០៛ ក្នុង១គីឡូ ដោយឡែកសណ្តែកកួរគាត់អាចលក់បានតម្លៃពី១០០០៛ ទៅ១៥០០៛ក្នុង១គីឡូក្រាម។
ជាមធ្យម គ្រួសាររបស់អ្នកស្រី គឹម អន អាចរកចំណូលបានពីការលក់បន្លែបានចន្លោះពី៣លានទៅ៥លានរៀនក្នុង១ខែ៕