នៅរសៀលថ្ងៃទី២៥ ខែសីហា ឆ្នាំ២០២០ លោកទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត រួមជាមួយសហការី និងអាជ្ញាធរមូលដ្ឋាន បានចុះពិនិត្យការប្រមូលផលស្រូវស្រាលដើមរដូវ នៅឃុំសំរោងយា ស្រុកពួក ដែលនៅក្នុងរដូវវស្សាឆ្នាំនេះ ស្រុកពួក អនុវត្តការងារបង្កបង្កើនផលស្រូវវស្សា បានសរុប២៥ ,៥៥៥ហិកតា ស្មើនឹង១០០,០២% នៃផែនការឆ្នាំ ក្នុងនោះមានស្រូវស្រាល ស្រូវកណ្តាល ស្រូវធ្ងន់ និងស្រូវឡើងទឹក នេះបើតាមប្រសាសន៍របស់ លោក ទា គឹមសុទ្ឋ។
លោកប្រធានមន្ទីរ បានពន្យល់ថា ចំពោះការងារបង្កបង្កើនផលដំណាំរដូវវស្សាឆ្នាំ២០២០នៅទូទាំងខេត្ត លោក ទា គឹមសុទ្ឋ អះអាងថា៖ បើពិនិត្យជារួមការភ្ជួររាស់ដីនារដូវវស្សាធ្វើបាន សរុបចំនួន១៩០,២៦០ហិកតា ក្នុងនោះដោយគ្រឿងយន្ត១៨៩,៥៦០ហិកតា និងគោក្របី៧០០ហិកតា។
ការងារដកស្ទូង ទាំងស្រូវស្រាល កណ្តាល ធ្ងន់ ចំការ និងស្រូវឡើងទឹក ធ្វើបានសរុបចំនួន១៨៩,៣០០ហិកតាស្មើនឹង១០១,៤៧%នៃផែនការ១៨៦,៥៦០ហិកតា៕
