ប៉ៃលិន៖ នៅថ្ងៃទី១៥ ខែកក្កដា ឆ្នាំ២០២០ នៅសាលប្រជុំការិយាល័យស.ស.យ.ក. លោកជំទាវបណ្ធិត បាន ស្រីមុំ អ្នកតំណាងរាស្ត្រមណ្ឌលប៉ៃលិន បានដឹកនាំកិច្ចប្រជុំបូកសរុបលទ្ធផលការងារ និងដកបទពិសោធន៍ការងារមួយ ដែលបានដឹកនាំក្រុមការងារចុះចែកស្បៀងអាហារជូនដល់ពុកម៉ែបងប្អូនកូនក្មួយ ស្ថិតនៅក្នុងស្រុកសាលាក្រៅ ខេត្តប៉ៃលិន។
ដើម្បីទទួលយកការវាយតំលៃនៃមតិរួមទាំងចំនុចខ្សោយ ចំនុចខ្លាំង រាល់កង្វះខាត និងកំហុសឆ្គងទាំងឡាយ ដើម្បីទទួលយកមកនិងធ្វើការកែសំរួល អោយបានល្អប្រសើរក្នុងផែនការ ចុះបន្តជួយពុកម៉ែបងប្អូនប្រជាពលរដ្ឋ ដែលមានការខ្វះខាតក្នុងគ្រាវិបត្តិកូវីដ-១៩ នាពេលខាងមុខទៀតឆាបើៗនេះ ក្រោយពីការចែកស្បៀងអាហាររយៈពេល៣ថ្ងៃគិតចាប់ពីថ្ងៃទី១១ដល់១៣ខែកក្កដា ឆ្នាំ២០២០កន្លងទៅនេះ។
លោកជំទាវបណ្ឌិត អ្នកតំណាងរាស្ត្រមណ្ឌលប៉ៃលិននិងជាប្រធានស.ស.យ.ក.ខេត្ត បានរៀបរាប់ឱ្យដឹងថា ក្រុមការងារ អនុសាខាកាកបាទក្រហមទាំង២ភេទ ជាទីគោរព កូន ក្មួយៗ យុវជន ជាទី ស្រលាញ់ទាំងអស់ ដែលបានចូលរួមផ្តល់មតិយោបល់ល្អៗ រួមទាំង ការងារចុះផ្ទាល់យ៉ាងសកម្មដោយឆន្ទះខ្មែរតែ១ គឺកសាងអំពើ ល្អ ដើម្បីចូលរួមចំនែកនៃជ្រុងតូចមួយ ក្នុងការកាត់បន្ថយបន្ទុក ក្នុងគ្រាលំបាក របស់រាជរដ្ឋាភិបាលកម្ពុជា៕