ស្ថានទូតកម្ពុជាប្រចាំប្រទេសជប៉ុន បានជូនដំណឹងថា ភ្លៀងធ្លាក់ជោគជាំដែលបានបន្តអូសបន្លាយចាប់តាំងពីទី០៤ ខែកក្កដា ឆ្នាំ២០២០ នៅតំបន់ភាគនិរតី និងតំបន់កណ្តាលនៃប្រទេសជប៉ុន បានបង្កឲ្យជន់លិចទន្លេចំនួន៥៩ ក្នុងខេត្តចំនួន៩ និងការបាក់ដី១២៣កន្លែង ក្នុងខេត្តចំនួន១៨។
គ្រោះធម្មជាតិមួយនេះបានជនលិចអគារជាង៤៧០០ខ្នង នៅខេត្តចំនួន៧ ជាហេតុនាំឲ្យសាលារៀន និងមហាវិទ្យាល័យចំនួន ២.២៤៤ បានបិទទ្វារ។
អាជ្ញាធរមូលដ្ឋានបានប្រកាសថា រដ្ឋាភិបាលបានចាប់ផ្តើមជម្លៀសប្រជាពលរដ្ឋប្រមាណ៨៧ម៉ឺននាក់ ទៅទីសុវត្ថិភាព។ ដោយឡែកតំបន់ Kyushu មានចំនួនអ្នកស្លាប់កើនដល់៥៩នាក់ និង១៦នាក់ផ្សេងទៀតកំពុងបាត់ខ្លួន៕