រថយន្តគិលានសង្គ្រោះចំនួន៣៥គ្រឿង ដែលជាជំនួយរបស់រដ្ឋាភិបាលជប៉ុន ប្រគល់ជូនតំណាងក្រសួងសុខាភិបាលកម្ពុជា ដើម្បីយកទៅប្រើប្រាស់ក្នុងវិស័យសុខាភិបាល ខណៈពេលដែលប្រទេសកម្ពុជា កំពុងប្រយុទ្ធប្រឆាំងនឹងជំងឺកូវីដ-១៩។
ពិធីប្រគល់-ទទួល រថយន្តគិលានសង្គ្រោះចំនួន៣៥គ្រឿងនេះ ធ្វើឡើងកាលពីថ្ងៃទី៧ ខែឧសភា ឆ្នាំ២០២១ នៅឃ្លាំងឱសថកណ្តាល នៃក្រសួងសុខាភិបាល ក្រោមវត្តមានរបស់លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាលនិង លោក ការិម៉ាតា អាត្សឹស៊ី ឧបទូតនៃស្ថានទូតជប៉ុនប្រចាំកម្ពុជា។
ស្ថានទូតជប៉ុនប្រចាំកម្ពុជា បានសរសេរនៅលើទំព័រហ្វេសប៊ុកផ្លូវការរបស់ខ្លួនថា «យើងសង្ឃឹមថា ការផ្គត់ផ្គង់ទាំងនេះ នឹងអាចជួយដល់ភាគីពាក់ព័ន្ធ ផ្នែកសុខាភិបាលនៅកម្ពុជា ដែលកំពុងប្រយុទ្ធប្រឆាំងជា មួយនឹងជំងឺកូវីដ-១៩។ ប្រទេសជប៉ុន នឹងបន្តកិច្ចសហប្រតិបត្តិការ ជាមួយរាជរដ្ឋាភិបាលកម្ពុជា ក្នុងការផ្តល់នូវឧបករណ៍ចាំបាច់ផ្សេងទៀត»៕
