លោក Shinzo Abe នាយករដ្ឋមន្ត្រីដែលកាន់តំណែងបានយូរជាងគេបំផុតរបស់ប្រទេសជប៉ុន នឹងលាឈប់ពីតំណែងដោយសារសុខភាព។ នេះបើតាមការសារព័ត៌មាន CNA ចេញផ្សាយនៅថ្ងៃទី២៨ ខែសីហា ឆ្នាំ២០២០ នេះ។
គណបក្សប្រជាធិបតេយ្យសេរីរបស់លោក Shinzo Abe ក៏បានឲ្យដឹងដែរថា ការលាលែងពីតំណែងគឺជាកិច្ចព្រមព្រៀងដែលបានសម្រេចរួចហើយ។
គួររំលឹកថា លោក Shinzo Abe បានឈប់សម្រាកចំនួន៣ថ្ងៃនៅក្នុងខែនេះ។ លោកមានបញ្ហាពោះវៀនអស់រយៈពេលជាច្រើនឆ្នាំមកហើយ៕
