ក្រសួងសុខាភិបាល នៅព្រឹកថ្ងៃទី១៧ ខែមិថុនា ឆ្នាំ២០២០ បានចេញសេចក្តីប្រកាសព័ត៍មាន ស្តីពីករណីជាសះស្បើយអ្នកជំងឺកូវីដ១៩ ០១នាក់ និងមិនមានករណីជំងឺកូវីដថ្មីនោះទេ។
ក្រសួងសុខាភិបាល បញ្ជាក់ថា អ្នកជាសះស្បើយ ជាបុរសជនជាតិខ្មែរ អាយុ២៦ឆ្នាំ មានទីលំនៅឃុំកំពង់ត្រាច ស្រុកកំពង់ត្រាច ខេត្តកំពត ជាអ្នកដំណើរដែលបានវិលត្រឡប់មកពីប្រទេសហ្វីលីពីន បានព្យាបាលជាសះស្បើយដោយទទួលបានលទ្ធផលតេស្តអវិជ្ជមានវីរុសចំនួន២ដង និងត្រូវបានអនុញ្ញាតឱ្យចាកចេញពីមន្ទីរពេទ្យមិត្តភាពខ្មែរ-សូវៀត៕