ខេត្តបាត់ដំបង៖បុរសម្នាក់ត្រូវបានចរន្តអគ្គិសនីឆក់ស្លាប់បង្កការភ្ញាក់ផ្អើលនៅវេលាម៉ោង ១៦និង១០នាទី ថ្ងៃទី០២ ខែ មីនា ឆ្នាំ២០២៣ នៅចំណុចភូមិកូនភ្នំខាងជើង ឃុំតាស្តា ស្រុកសំពៅលូន ខេត្តបាត់ដំបង ។
ប្រភពបានអោយដឹងថា នៅមុនពេលកើតហេតុជនរងគ្រោះឈ្មោះ សាង សុីណា ភេទប្រុស អាយុ៣៩ឆ្នាំ មុខរបរ ជាងសំណង់ រស់នៅកន្លែងកើតហេតុខាងលើបានលើកដែកផ្សារដំបូលផ្ទះបន្ទាប់មកបានធ្វើអោយប៉ះជាមួយខ្សែភ្លើងធំក៏បណ្តាលអោយឆក់ធ្លាក់ពីលើដំបូលផ្ទះមកជាន់ទី២ស្លាប់នៅនឹងកន្លែងតែម្តង។
ក្រោយពេលកើតហេតុសមត្ថកិច្ចជំនាញបានចុះទៅពិនិត្យធ្វើកោសល្យវិច័យ បន្ទាប់មកក៏បានធ្វើកំណត់ហេតុប្រគល់សពអោយសាច់ញាតិយករៀបចំធ្វើបុណ្យតាមប្រពៃណី។
