ខេត្តបាត់ដំបង៖ យ៉ាងហោចណាស់មានមនុស្សប្រុសស្រីចំនួន០៣នាក់បានរងរបួសធ្ងន់និងស្រាល នៅក្នុងហេតុការណ៍គ្រោះថ្នាក់ចរាចរណ៍មួយបានកើតឡើងរវាងម៉ូតូ០២គ្រឿងបុកគ្នាពេញទំហឹងនៅវេលាម៉ោង ១៣នឹង៤០នាទី ថ្ងៃទី០២ ខែកុម្ភះ ឆ្នាំ២០២៣ នៅតាមបណ្តោយផ្លូវជាតិលេខ៥ ស្ថិតក្នុងភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង។
លោកវរសេនីយ៍ទោ ឈឿង គឹមសាន អធិការរងស្រុកសង្កែ ទទួលបន្ទុកផ្នែកចរាចរណ៍បានអោយដឹងថា យោងតាមប្រភពនៅកន្លែងកើតហេតុ ដំបូងឡើយគេឃើញម៉ូតូ០១គ្រឿង ម៉ាកហុងដាឌ្រីម ពណ៌ខ្មៅ សសេរីឆ្នា២០១៣ ពាក់ស្លាកលេខ បាត់ដំបង 1M-8000 បេីកបរដោយឈ្មោះ ច័ន្ទ ស្រីលាភ ភេទស្រី អាយុ២៦ឆ្នាំ រស់នៅភូមិអូរតាគាំ២ សង្កាត់ទួលតាឯក ក្រុងបាត់ដំបង ទិសដៅពីជេីងទៅត្បូង ឡេីងឆ្លងកាត់ផ្លូវខ្វះការប្រុងប្រយត្ន័ ភ្លាមនោះក៏ស្រាប់តែមានម៉ូតូ០១គ្រឿងផ្សេងទៀតម៉ាកហុងដាឌ្រីម ពណ៌ខ្មៅ សេរីឆ្នាំ២០២២ ពាក់ស្លាកលេខ បាត់ដំបង 1AQ-9016 បេីកបរដោយឈ្មោះ ហឿត វិបុល ភេទប្រុស អាយុ១៧ឆ្នាំ រស់នៅភូមិទួលល្វៀង ឃុំអូរដំបង២ ស្រុកសង្កែ ខេត្តបាត់ដំបង និងអ្នករួមដំណើរម្នាក់ទៀតទិសដៅពីកេីតទៅលិចបានជ្រុលមកបុកពេញទំហឹងបណ្តាលអោយបុរសម្នាក់របួសធ្ងន់ ននិងមនុស្សប្រុសស្រី០២នាក់របួសស្រាល ចំណែកម៉ូតូខូចខាតទាំង០២គ្រឿង។
ក្រោយពេលកើតហេតុសមត្ថកិច្ចជំនាញបានចុះទៅធ្វើការវាស់វែងធ្វើកំណត់ហេតុយកម៉ូតូទាំង០២គ្រឿងមករក្សាទុកនៅអធិការដ្ឋាននគបាលស្រុកសង្កែដើម្បីរងចាំដោះស្រាយតាមផ្លូវច្បាប់ ចំណែកអ្នករងរបួសត្រូវបានដឹកបញ្ជូនទៅសម្រាកព្យាបាលនៅឯមន្ទីរពេទ្យផងដែរ។