ខេត្តបាត់ដំបង! នៅយប់ថ្ងៃទី ២៥ ខែមេសា ឆ្នាំ២០២២នេះ កម្លាំងជំនាញនៃអធិការដ្ឋាននគរបាលស្រុកសង្កែ បានបន្តចុះអនុវត្តរឹតបន្តឹងច្បាប់ស្តីពីចរាចរណ៍ផ្លូវគោក នៅតាមដងផ្លូវចំណុចភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង។
លោកវរសេនីយ៍ទោ យុត តុងហូ អធិការរងស្រុកសង្កែ ទទួលបន្ទុកផ្នែកចរាចរណ៍ផ្លូវគោក បានអោយដឹងថា ការចុះអនុវតរឹតបន្តឹងជាប្រចាំនូវច្បាប់ស្តីពីចរាចរណ៍ផ្លូវគោកនាពេលយប់នេះ គោលបំណងសំដៅកាត់បន្ថយអត្រានៃការគ្រោះថ្នាក់ចរាចរណ៍អោយនៅទាបបំផុត ហើយក៏ចាត់ការយ៉ាងម៉ឺងម៉ាត់តាមច្បាប់ចំពោះ,យានកែច្នៃ ,លើករណីស្រវឹង ,អត់មួក ,អត់បណ្ណបើកបរ ,អត់ផ្លាកលេខ អត់ភ្លើងបំភ្លឺ(អត់មាន ឫដាក់ខុសបច្ចេកទេសចាំងភ្នែក) ។
ហើយនៅក្នុងយុទ្ធនាការជាប្រចាំនេះដែរ នគរបាលជំនាញបានរកឃើញអំពើល្មើសពីរដែលនៅតែបន្តកើតមានច្រើនជាងគេ ក្នុងនោះមាន(ការបើកបរមិនពាក់មួកសុវត្ថិភាព និងបើកបរដោយគ្មាន ឬមិនដំណើរការភ្លើងបំភ្លឺផ្លាកលេខ ភ្លើងហ្វ្រាំង ហើយចំពោះអ្នកបើកបរដែលមានសារធាតុស្រវឹង ត្រូវឃាត់រហូតស្វាងនិងពិន័យ ,អត់បណ្ណបើកបរ ត្រូវឃាត់មិនឲ្យបើកបរ និងពិន័យ ,អត់ផ្លាកលេខពិន័យ ,ល្មើសភ្លើងកែតម្រូវ បើខ្វះដាក់ថែម ឫបំពាក់ខុសដោះយកចេញនិងពិន័យ ការធ្វើបែបនេះគោលបំណងដើម្បីរួមចំណែកកាត់បន្ថយបទល្មើសនិងអត្រាគ្រោះថ្នាក់ចរាចរណ៍អោយនៅកម្រិតទាបបំផុត។
ជាមួយគ្នានេះ ក្នុងនាមនគរបាលជំនាញលោកបានអំពាវនាវទៅដល់បងប្អូនអ្នកធ្វើដំណើរនៅតាមដងផ្លូវទាំងអស់មិនថាទៅទីជិតឬឆ្ងាយ សូមចូលរួមគោរពច្បាប់ចរាចរណ៍ទាំងអស់គ្នាដើម្បីអាយុជីវិតយើង គ្រួសារយើង និងអ្នកដទៃ។