ខេត្តបាត់ដំបង៖ រយៈពេលបីនៃពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក សម្រាប់ខេត្តបាត់ដំបងទទួលបានភ្ញៀវទេសចរណ៍ជាតិនិងអន្តរជាតិចំនួន ៣៨៦៦៧នាក់ មកដើរកំសាន្តតាមរមណីយដ្ឋានទេសចរណ៍ និងគោលដៅទេសចរណ៍នានា ក្នុងខេត្តបាត់ដំបង។
យោងតាមរបាយការណ៍របស់លោក អ៊ុច អ៊ុភីនីស្សារ៉ា ប្រធានមន្ទីរទេសចរណ៍ខេត្តបាត់ដំបងបានអោយដឹងថា ចំនួនរបស់ភ្ញៀវទេសចរណ៍នាឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក រយះពេលបីថ្ងៃចាប់ពីថ្ងៃទី១៨,១៩,២០ ខែវិច្ឆិកា ឆ្នាំ២០២១នេះ មានចំនួនភ្ញៀវទេសចរជាតិ ចំនួន៣៨៦០៤នាក់ និងភ្ញៀវទេសចរអន្តរជាតិ (ទេសចរផ្ទៃក្នុង)ចំនួន ៦៣នាក់ ដែលសរុប ស្មើ ចំនួន៣៨៦៦៧នាក់។
រមណីយដ្ឋានទេសចរណ៍ និងគោលដៅទេសចរណ៍នានា ក្នុងខេត្តបាត់ដំបងដែលភ្ញៀវបានទៅកំសាន្តរួមមាន :
_រមណីយដ្ឋាន ប្រាសាទបាណន់
_រមណីយដ្ឋាន ភ្នំសំពៅ
_រមណីយដ្ឋាន ប្រាសាទឯកភ្នំ
_រមណីយដ្ឋាន អាងកំពីងពួយ
_រមណីយដ្ឋាន ចំការស្វាយ
_រមណីយដ្ឋាន ស្ទឹងថ្មដាចំការធុរេន
_រមណីយដ្ឋាន ទឹកធ្លាក់ ៥៣ ភ្នំព្រឹក
_រមណីយដ្ឋាន នគរជុំ ភ្នំព្រឹក
_រមណីយដ្ឋាន ភ្នំកំពូល
_រមណីយដ្ឋាន ចំការធុរេនអូរតង
_រមណីយដ្ឋាន វាលចម្បាំង ខេមសាយ
_សហគមន៍អេកូទេសចរណ៍ទឹកធ្លាក់អូរជាំ
_សហគមន៍អេកូទេសចរណ៍ព្រែកទាល់
_មណ្ឌលកម្សាន្ត ឡូរីជើងភ្នំបាណន់
_រមណីយដ្ឋាន ស្ទឹងក្រញូង
_គោលដៅទេសចរណ៍ ស្ទឹងថ្វាក
_រមណីយដ្ឋាន ចំការមៀន
_គោលដៅទេសចរណ៍ វត្តភ្នំចំបាំង
_មណ្ឌលកម្សាន្ត សួនទឹកសុភមង្គល
_ផ្ទះផ្កា Begonia
_សួនផ្កា ច្បារមាត់ស្ទឹង
_សួនផ្កា ភ្នំសំពៅ
_សួនផ្កា ឈើទាល។
លោកប្រធានមន្ទីរបានអោយដឹងទៀតថា ជាមួយនឹងគោលដៅទេសចរណ៍ខាងលើម្ចាស់រមណីយដ្ឋានទេសចរណ៍ក្នុងខេត្ត បានចូលរួមអនុវត្តយ៉ាងយកចិត្តទុកដាក់តាមវិធានសុវត្តិភាពទេសចរណ៍ និងនីតិវិធីប្រតិបត្តិស្ដង់ដាជាអប្បបមា (SOP) តាមគន្លងក្រតីភាពថ្មី។
-ម្ចាស់រមណីយដ្ឋានទេសចរណ៍ក្នុងខេត្ត បានចូលរួមអនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល ដោយតម្រូវអោយបុគ្គលិកពាក់ម៉ាស់ ចាំវាស់កម្តៅភ្ញៀវ បាញ់អាល់កុលជូនភ្ញៀវ តម្រូវអោយភ្ញៀវស្កេនQR Codeមុននឹងចូល និងការរក្សាគម្លាតសង្គមជាដើម។
/ប្រជាពលរដ្ឋ និងភ្ញៀវទេសចរមានការយល់ដឹងច្រើន និងចូលរួមអនុវត្តការពារខ្លួនពីជំងឺកូវីដ ១៩
/មានការចូលរួមរក្សាសណ្តាប់ធ្នាប់ សុខសុវត្ថិភាពជូនភ្ញៀវពីសំណាក់កងកម្លាំងទាំង៣ផងដែរ។
ជាមួយគ្មានេះក៍មានបញ្ហាប្រឈមខ្លះៗដូចជា មានភ្លៀវធ្លាក់តិចតួចនៅតាមរមណីយដ្ឋានទេសចរណ៍ និងគោលដៅទេសចរណ៍មួយចំនួន
-ភ្ញៀវទេសចរតាមគោលដៅខ្លះមានចំនួនច្រើន នាំការអនុវត្តវិធានសុវត្ថិភាពមិនបានគ្រប់ជ្រុងជ្រោយ។
