ខេត្តបាត់ដំបង៖ អគ្គិភ័យមួយបានលេបត្របាក់ផ្ទះ០១ខ្នងបង្កការភ្ញាក់ផ្អើលទាំងម្ចាស់ផ្ទះនិងអ្នកស្រុករត់ចែកជើងគ្មាអោយសមត្ថកិច្ចចុះអន្តរាគមន៍បាញ់ទឹកពន្លត់។
សមត្ថកិច្ចបានអោយដឹងថា ហេតុការណ៍គ្រោះអគ្គិភ័យខាងលើនេះបានកើតឡើងនៅវេលាម៉ោង ២២និង០៥នាទី ថ្ងៃទី១៩ ខែកញ្ញា ឆ្នាំ២០២១ នៅចំណុចក្រុមទី២៤ ភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ។
ផ្ទះដែលត្រូវអគ្គិភ័យឆាបឆេះខាងលើមានទំហំ ៧ម៉ែត្រx៩ម៉ែត្រ សង់អំពីថ្មក្រោមឈេីលេី ដដំបូលប្រក់សង្ក័សី ដែលមានម្ចាស់ឈ្មោះ អុិច សារី ភេទប្រុស អាយុ៦៣ឆ្នាំ រស់នៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង។
ជុំវិញក្នុងហេតុការណ៍គ្រោះអគ្គិភ័យនេះដែរ សមត្ថកិច្ចជំនាញបានចេញរថយន្តពន្លត់អគ្គីភ័យរបស់អធិការដ្ឋាននគរបាលស្រុកចំនួន០១គ្រឿង ចុះអន្តរាគមន៍ជួយបាញ់ពន្លត់ដោយប្រេីប្រាស់ទឹកអស់ចំនួន០២ឡានទើបអាចគ្រប់គ្រងបានទាំងស្រុង និងមិនមានអោយនណាម្នាក់រងរបួសឡើយ។
ក្រោយពេលកើតហេតុសមត្ថកិច្ចជំនាញបានធ្វើការសាកសួរស្រាវជ្រាវជំុវិញកន្លែងកើតហេតុនិងបញ្ជាក់ថា មូលហេតុគឺបណ្តាលមកពីផ្ទុះកំប៉ុងហ្គាសតូចក្នុងផ្ទះបាយ ក៏បង្ករជាអគ្គិភ័យឆេះឡើងបណ្តាលអោយខូចខាតផ្ទះ០១ខ្នង មាន០២ជាន់ រួមទាំងសម្ភារ:ប្រើប្រាស់ក្នុងផ្ទះអស់ទាំងស្រុងផងដែរ។
