ឯកឧត្តម គឹម សន្តិភាព រដ្ឋលេខាធិការក្រសួងយុត្តិធម៌ បានថ្លែងនៅលើគេហទំព័រហ្វេសបុកថា៖ កូវីដ Delta កំពុងគំរាមកំហែងទីក្រុងភ្នំពេញ ដោយការរកឃើញជាបន្តបន្ទាប់នូវប្រភេទមេរោគកូវីដ Delta នេះ រដ្ឋបាលរាជធានីភ្នំពេញនឹងពង្រឹងនូវវិធានការបន្ទាន់មួយចំនួន ថែមទៀត ដើម្បីទប់ស្កាត់ការរីករាលដាលកូវវីដ Delta នេះ បន្ទាប់ពីកិច្ចប្រជុំបន្ទាន់ជាមួយគណៈប្រតិបត្តិនៃគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ នៅរសៀលថ្ងៃទី១៧ ខែសីហា ឆ្នាំ២០២១ នេះ។
ឯកឧត្តមសូមអំពាវនាវដល់បងប្អូនមេត្តាប្រុងប្រយ័ត្នខ្ពស់ និងសូមចូលរួមអនុវត្តអោយបានត្រឹមត្រូវតាមវិធានការនានារបស់អាជ្ញាធរ៕