(ប៉ៃលិន)៖ក្រៅពីការងាររដ្ឋបាល ក្នុង១ថ្ងៃៗលោកជំទាវបាន ស្រីមុំមិនដែលភ្លេចចុះមើលក្រុមការងារ រៀបចំ អាហារជូនបងប្អូនពលករ ដែលកំពុងធ្វើចត្ថាឡឺស័កឡើយ។ជាក់ស្តែងដូចសព្វមួយដងកាលពីថ្ងៃទី២៤កុម្ភះ២០២១លោកជំទាវ បាន ស្រីមុំ អភិបាលខេត្តប៉ៃលិនបានចុះពិនិត្យដល់កន្លែងធ្វើម្ហូបបាយនិងដល់ទីតាំងបងប្អូនពលករកំពុងស្នាក់នៅធ្វើចត្តាឡឺស័ក។
ការចុះផ្ទាល់ដូចនេះដោយសារតែលោកជំទាវបារម្ភក្រុមការងារធ្វើមិនឆ្ងាញ់ វេចខ្ចប់មិនបានល្អ បារម្ភដាក់តិច ខ្លាចបងប្អូនយើងពិសារមិនឆ្អែត ពេលចុះដល់ទីតាំងចត្ថាឡឺស័ក បងប្អូនសុំទឹកក្រូចត្រជាក់ៗ ក្រុមការងារបានរៀបចំចែកជូន រួមទាំងមីកញ្ចប់ ជាអំណោយសម្តេចតេជោហ៊ុនសែន ជាអាហារសំរន់ជូនបងប្អូនយើងផងដែរ។ក្រៅពីការចុះពិនិត្យខាងលើលោកជំទាវក៍បានឆ្លៀតពេលចុះទៅពិនិត្យ ការដឹកទំនិញ កសិផល ចរាចរណ៍ចេញចូលនៅមាត់ច្រកទ្វារព្រំដែនរវាងប្រទេសកម្ពុជា ថៃ ។
ក្នុងនាមលោកជំទាវជាអភិបាលខេត្តសូថ្លែងអំណរគុណ ចំពោះឯកឧត្តម លោកជំទាវ អស់លោក លោកស្រី ជា អភិបាលរង កងកំលាំងប្រដាប់អាវុធទាំង៣ ប្រភេទ បងប្អូនមន្ត្រីរាជការ ជុំវិញខេត្តកូនៗយុវជន មីងៗពូៗ ក្រុមការងារទាំងអស់ដែលបានរួមសាមគ្គីគ្នា ចូលរួមគ្រប់សកម្មភាព ជាមួយ រាជរដ្ធាភិបាលទប់ស្កាត់មេរោគ កូវីដ-១៩ កុំឆ្លងរាលដាលនៅក្នុងសហគមន៍របស់យើង ។
សូមជូនកុសលផលបុណ្យដែលយើងបានសាងរួមគ្នា នាពេលនេះ ទទួលបានដល់គ្រប់ៗគ្នា៕