ប្រទេសឡាវបានហាមឃាត់ជាបណ្តោះអាសន្ននូវការនាំចូលគ្រឿងសមុទ្រពីប្រទេសថៃ បន្ទាប់ពីមានការផ្ទុះឡើងនូវជំងឺកូវីដ -១៩ ដែលបានកើតឡើងនៅក្នុងព្រះរាជាណាចក្រមួយនោះ។
អាជ្ញាធរសុខាភិបាលប្រទេសឡាវមានការព្រួយបារម្ភថា អាហារសមុទ្រទាំងនោះអាចត្រូវបានចម្លងដោយវីរុសនោះ ដូច្នេះការនាំចូលត្រូវបានបញ្ឈប់ដោយមានប្រសិទ្ធិភាពភ្លាមៗ។
ការហាមឃាត់នេះត្រូវបានអនុវត្តកាលពីថ្ងៃទី ២៤ ខែធ្នូ បន្ទាប់ពីស្រុកសាមុតសាខនរបស់ប្រទេសថៃបានក្លាយជាចំណុចកណ្តាលនៃការផ្ទុះជំងឺកូវីដ-១៩ ដោយមានមនុស្សជាង ១.០០០នាក់បានធ្វើតេស្តិ៍វិជ្ជមានបន្ទាប់ពីអ្នកលក់បង្គាម្នាក់បានឆ្លងវីរុសនេះកាលពីសប្តាហ៍មុន។
ក្រុមហ៊ុននាំចូលគ្រឿងសមុទ្ររបស់ប្រទេសឡាវបាននិយាយថា ពួកគេរងការវាយប្រហារដោយសារការហាមឃាត់នេះ។ មុនពេលមានការរាតត្បាត អាជីវកម្មអាហារសមុទ្រកំពុងមានការកើនឡើងគួរឱ្យកត់សម្គាល់ដោយសារតែការកើនឡើងនូវប្រជាប្រិយភាពរបស់អាហារសមុទ្រក្នុងចំណោមប្រជាជនឡាវ៕