ខេត្តបាត់ដំបង! កំលាំងការិយាល័យនគរបាលប្រឆាំងបទល្មើសសេដ្ឋកិច្ច សហការជាមួយការិយាល័យបង្ក្រាបបទល្មើសតំបន់៤(គយហុងឡុង)និងកំលាំង ក.ប.បសាខាខេត្តបាត់ដំបង បានចុះបង្ក្រាបករណីនាំយកចូលនូវសាច់មាន់ ឆ្អឹងមាន់ និងប្រហិតចំរុះ ខូចគុណភាព មួយករណីខណ:ដែលឈ្មួញនាំចេញពីប្រទេសថៃ។
កិច្ចប្រតិបត្តិការនេះធ្វើឡើងនៅល្ងាចថ្ងៃទី០៦ ខែមិថុនា ឆ្នាំ២០២១ នៅចំណុចមាត់ច្រកទ្វារអន្តរជាតិដូង ស្ថិតក្នុងភូមិអូរដា ឃុំកំរៀង ស្រុកកំរៀង ខេត្តបាត់ដំបង ខណៈដែលក្រុមឈ្មួញលួចដឹកបង្កប់តាមរថយន្តនាំចេញពីប្រទេសថៃ។
ជាមួយកិច្ចប្រតិបត្តិការខាងលើនេះដែរ មន្ត្រីជំនាញបានដកហូតទំនិញដែលខូចគុណភាពចម្រុះទាំងអស់សរុបចំនួន ៥០០០ គីឡូក្រាមយកមករក្សាទុកនិងរង់ចាំការស្នើសុំដុតបំផ្លាញចោលនៅពេលក្រោយ ។