សាប៊ូ Liby

អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន

ថ្ងៃច័ន្ទ 7 មិថុនា 2021, 19:2

ខេត្តបាត់ដំបង! ទំនិញជាសាច់មាន់ ឆ្អឹងមាន់ និងប្រហិតខូចគុណភាពចំនួន ៥០០០គីឡូក្រាម ត្រូវបានអាជ្ញាធរខេត្តបាត់ដំបងធ្វើពិធីដុតបំផ្លាញចោល ក្រោយពីមន្ត្រីជំនាញចុះចាប់យកបានពីឈ្មួញទុច្ចរិតលួចនាំចូលពីទឹកដីប្រទេសថៃ។

 

លោក ផេង សិទ្ធី អភិបាលក្រុងបាត់ដំបង បានអោយដឹងថា ដោយមានការយកចិត្តទុកដាក់ដ៏ខ្ពង់ខ្ពស់ និងគិតគូរពីសុខភាពប្រជាពលរដ្ឋ របស់ថ្នាក់ដឹកនាំ ក៏ដូចជាឯកឧត្តម ងួន រតនៈ អភិបាលខេត្ត ជាក់ស្តែងនៅថ្ងៃទី ០៦  ខែ មិថុនា ឆ្នាំ២០២០១នេះ កម្លាំងការិយាល័យបង្ក្រាបបទល្មើសតំបន់៤(គយហុងឡុង) សហការជាមួយកម្លាំងនគរបាលបង្ក្រាបបទល្មើសសេដ្ឋកិច្ចនៃស្នងការដ្ឋាននគរបាលខេត្តបាត់ដំបង រួមនឹងមន្ត្រី .ក.ប.ប.សាខាខេត្តបាត់ដំបង ចុះបង្រ្កាបនិងដកហូតបានសាច់មាន់ ឆ្អឹងមាន់ និងប្រហិតចម្រុះខូចគុណភាពចំនួន ៥០០០គីឡូក្រាម ពីក្រុមឈ្មួញដែលបានលួចដឹកបង្កប់តាមរថយន្តនាំចូលពីប្រទេសថៃដោយខុសច្បាប់។

 

លោកបន្តថា ក្រោយពីបង្ក្រាបដកហូតបានវត្ថុតាងសាច់មាន់និងប្រហិតខូចគុណភាពទាំងអស់នោះត្រូវបានអាជ្ញាធរធ្វើពិធីដុតកំទេចចោលនៅទីលានចាក់សម្រាម ស្ថិតនៅក្នុងក្រុងបាត់ដំបង ក្រោមការចូលរួមពី លោកប្រធានការិយាល័យបង្ក្រាបបទល្មើសតំបន់៤(ហុងឡុង)និងសហការី លោកប្រធាន.ក.ប.ប.សាខាខេត្ត និងសហការី  និងលោក ផេង សិទ្ធី អភិបាលក្រុង រួមនឹងមន្ត្រីពាក់ព័ន្ធជាច្រើននាក់ទៀតបានចូលរួមផងដែរ។

 

ជាមួយគ្នានេះលោក ផេង សិទ្ធី អភិបាលក្រុងក៏បានចូលរួមសូមអំពាវនាវទៅដល់បងប្អូនប្រជាពលរដ្ឋទាំងអស់ សូមមេត្តាកុំនាំយកនូវរាល់ទំនិញណាដែលខូចគុណភាពចូលមកកម្ពុជាអី ព្រោះវាជាអំពើខុសច្បាប់ វានាំអោយមានការចាប់ឃាត់ដូចជាករណីខាងលើ  ហើយមួយវិញទៀតសូមសំណូមពរទៅដល់បងប្អូនប្រជាពលរដ្ឋ កុំពិសារអាហារណាដែលខូចគុណភាព ព្រោះវាអាចនាំឱ្យប៉ះពាល់ដល់សុខភាពរបស់បងប្អូន និងត្រូវរាយការណ៍បន្ទាន់ទៅកាន់អាជ្ញាធរមូលដ្ឋានដែលនៅជិតអ្នកនៅពេលណាដែលប្រទះឃើញមានការសង្ស័យទៅលើមុខទំនិញណាមួយដែលមានការសង្ស័យថាខូចគុណភាព និងហួសសុពលភាពប្រើប្រាស់។

អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន
អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន
អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន
អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន
អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន
អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន
អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន
អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន
អាជ្ញាធរបាត់ដំបងដុតបំផ្លាញសាច់មាន់ ឆ្អឹងមាន់ និងប្រហិតខូចគុណភាពចំនួន០៥តោន

PLB Banner on article detail