ខេត្តបាត់ដំបង!នាររសៀលថ្ងៃទី២៥ ខែធ្នូ ឆ្នាំ ២០២០នេះ ឯកឧត្តមបណ្ឌិត ប៊ុត គឹមស៊ាន ប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង បានទទួលម៉ាស ចំនួន ៥០០ប្រអប់និងជេលចំនួន ៥០ដបពីក្រុមហ៊ុនបាត់ដំបង ខនស៍ស៊ីមេនខម ភេនី លីមីធីត។
នាឱកាសនេះឯកឧត្តមបណ្ឌិត ប៊ុត គឹមស៊ាន ប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុនបាត់ដំបង ខនស៍ស៊ីមេនខម ភេនី លីមីធីត ដែលបានជួយឧបត្ថម្ភម៉ាស ចំនួន ៥០០ ប្រអប់និង ជេលចំនួន ៥០ដប ដល់សាខាកាកបាទក្រហមកម្ពុជាខេត្តបាត់ដំបង ។
ជាមួយគ្នានេះសាខាកាកបាទក្រហមកម្ពុជាខេត្តនឹងយកអំណោយដ៏ថ្លៃថ្លានេះទៅប្រើប្រាស់ចែកជូនប្រជាពលរដ្ឋងាយរងគ្រោះដោយវិបត្តិកូវីដ-១៩ ក្នុងខេត្តបាត់ដំបង អោយមានប្រសិទ្ធភាពខ្ពស់បំផុ ហើយក៏សូមថ្លែងអំណរគុណយ៉ាងជ្រាលជ្រៅ និងកោតសរសើររចំពោះក្រុមហ៊ុនបាត់ដំបងខនស៍ស៊ីមេនខមភេនី លីមីធីត ដែលមានទឹកចិត្តធំធេងតែងតែជួយដល់ប្រជាពលរដ្ឋតាមរយៈកិច្ចការងារមនុស្សធម៌ក៏ដូចជាការងារសង្គមផ្សេងៗ។
ហើយអំណោយខាងលើនេះ គឺជាសក្ខីភាពនៃទឹកចិត្តជ្រះថ្លារបស់សប្បុរសជន ដែលបានបង្ហាញពីស្មារតីនៃការចែករំលែក និងកម្លាំងសាមគ្គីគ្នារបស់ប្រជាជនខ្មែរ «ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាមានអាសន្ន ខ្មែរជួយខ្មែរ ខ្មែរកាន់តែរឹងមាំ»។