ខេត្តបាត់ដំបង៖ លោកស្រី សៀ គឹមណៃ ប្រធានការិយាល័យផ្សព្វផ្សាយកសិកម្ម លោកតុល សារ៉េត មន្ត្រីទីផ្សារ រួមជាមួយនឹងទីប្រក្សាសម្របសម្រួលទីផ្សារថ្នាក់ខេត្តបានចុះត្រួតពិនិត្យ និងជួបប្រឹក្សាយោបល់ដល់កសិករផ្ទះសំណាញ់ ឈ្មោះ ឌិន ចន្ទី ដែលជាកសិករទទួលបានគាំទ្រពីកម្មវិធីផ្សព្វផ្សាយបច្ចេកទេសកសិកម្មដែលធន់ទៅនឹងការប្រែប្រួលអាកាសធាតុ(ASPIRE) ស្ថិតនៅភូមិសំរោងស្នោរ ឃុំសំរោងក្នុង ស្រុកឯកភ្នំ ខេត្តបាត់ដំបង។
កសិករ ឌិន ចន្ទី បានដាំដំណាំខាត់ណាផ្កាលឿងក្នុងផ្ទះសំណាញ់ទំហំ ១០x៣៦ម៉ែត្រ និងក្រៅផ្ទះសំណាញ់ ដែលសរុបផ្ទៃដីចំនួន ១៦០០ម៉ែត្រការេ ស្មើនឹង ៦០០០គុម្ភ។ ដំណាំនេះបើគិតត្រឹមថ្ងៃទី២៧ខែសីហាឆ្នាំ២០២០នេះគឺមានរយៈពេលជាង ១ខែហើយក៏នឹងត្រៀមប្រមូលផលលក់ចំនួនប្រមាណពី ៤ ទៅ ៥តោន ក្នុងតំលៃកុងត្រា ១គីឡូ ៤០០០ ទៅ ៤៥០០រៀល ទៅអោយផ្សារមាសបៃតទាំងអស់។
មន្ទីរកសិកម្ម មន្ត្រីការិយាល័យកសិកម្មស្រុក និងអ្នកផ្សព្វផ្សាយឃុំ នឹងបន្តចុះពង្រឹកសមត្ថភាពបច្ចេកទេសបន្ថែមតាមយរយៈការតម្រង់ទិសលើផលិតភាពកសិកម្មដើម្បីឆ្លើយតបទៅទីផ្សារ និងរួមទាំងការប្រើប្រាស់ចំណីបែបធម្មជាតិជាដើម៕